Pumapainlalang sa ere at humahampas sa bawat sulok ng university gymnasium ang malakas na tugtog na nililikha ng mga sound system. Kasalukuyang tumutugtog doon ang revived version ng isa pinakasikat at pinag-uusapang boyband ng taon, ang A1 sa Take on Me ng A-ha. Isang kilalang awitin mula sa tugtuging ‘80s.
Nakikisabay rin sa ingay ng mga naglalakihang speakers ang hiyawan ng mga bisita at ilang R.O.T.C officials na nagkakagulo sa pag-indayog sa gitna ng dance floor. Nakiki-duet din sila mismo sa A1 lalo na kapag tumutungtong na sa chorus ang naturang awitin.
Nakabibingi, masakit sa tenga, magulo at maingay man ang dala ng pinagsabay na hiyawan at tugtog na nanggagaling sa sound system; nakasisilaw at nakakaduling man din ang hatid na liwanag ng magagaslaw na mga dance light pero ni isa
