Iniangkla ni Jiro ang kanyang kaliwang braso nang makalapit sa kanya si Carmela matapos niyang hintayin ito sa kaliwang panig ng gym. Iyon ay matapos i-announce ng emcee na mga second class officers na ang sasabitan ng rank insigña.
Nakangiting tinanggap naman ni Carmela ang nakahandang braso ni Jiro. Ikinawit niya ang kanang braso niya roon at nakangiting nagkatinginan silang dalawa bago nagpasyang lumakad. Huminto na muna sila sa dulo ng hilera ng mga upuan na laan para sa mga bisita. Hinintay na muna nilang matapos sabitan ng rank insigña si Cadet Captain Rina Alajar na kanyang sinundan naman.
Nang tawagin na ng emcee ang pangalan niya ay nagsimula na silang mag-marcha sa aisle na nasa pagitan ng mga upuan ng mga bisita at R.O.T.C graduates. Ngayon nga ay patungo na sila sa harapan ku
