"Nasa'n na ba 'yong sponsor ko?" reklamo ni Rina habang nakapamaywang at salubong ang kilay. "Malapit na tayong magsimula pero hanggang sa mga oras na ito—wala pa rin!" Yamot na yamot na sambit nito. Paniguradong umiinit na naman din ang bumbunan.
Naroon sila at nakatayo sa gilid na bungad ng entrada ng university gymnasium. Mag-a-alas otso na ng gabi pero wala pa rin ang sponsor nito.
"Late na ngang magsisimula pati ba naman siya late? Nako, nako, nako! Kapag nakita ko talaga ang lalaking iyon i-straight-in ko talaga siya sa mukha niya! Mauupakan ko talaga 'yon! Kundi lang ako no choice." bumusangot ito sabay halukipkip. Samantalang sila Carmela ay pigil naman ang matawa.
"Talaga lang, Rina?"
"Oo! Talagang-talaga!" bigla ay natigil ito at nanlalaki ang mga matang mabilis pa sa alas cu
