"Carmela, nandiyan na 'yong sponsor mo." Sabi nito ng makadikit sa kanya.
Abala siya noon sa pagtulong sa lalaking C.O.Q.C sa pagsasaayos ng suot nitong pistol belt sa bandang baywang nito ng upang sa gayon ay hindi malukot ang fatigue uniform sa bahagi ng likod nito. Para mas mukhang kagalang-galang pa ito lalo mamaya kapag humarap na sa mga tao, sa mga instructor at sa kanilang guest speaker na isang hepe ng kapulisan sa kanilang bayan.
Naramdaman niya ang pabirong pagkurot ni Cadet Captain Jonah Mae Sembrano sa kanyang tagiliran na siyang sanhi nang pagkislot niya. Masakit din kaya 'yon!
"Naks naman, ang guwapo ng sponsor natin, ah." Papuri nito sa kanyang nobyo.
Naiinis na sesermonan na sana niya ito mula sa ginawang pagkurot sa kanyang tagiliran nang pag-angat niya ng tingin ay de
