Hindi maiwasang makadama ng pangamba ni Carmela habang magkakonekta ang kanilang mga mata ni Ciarra. Nanunulay sa mga invisible na kable ang matinding tensyon at panganib sa mga titig nitong walang kasing sama.
Naka-arko rin ang kilay ng babae habang nakahalukipkip. Tila naghahamon ng sabunutan. Nangangalit ang mga ngipin at parang nagpipigil lang na sugurin siya. Nakikita niya kasi ang panginginig ng mga kamao nitong matindi ang pagkakakuyom. Isa pa ay napupuna rin niya ang dalawa nitong kasama na pinakakalma ang dalaga upang siguro ay hindi sila sugurin kung binabalak man nito.
Bigla ay nahintatakutan siya sa apoy ng galit na nagniningas sa mga mata ng babae. Sa bigla na lamang pagsiklab ng matinding tensyon sa kanilang pagitan ni Ciarra. Hindi rin niya mahinuha kung ano nga ba ang dap
