Umangat ang gilid ng bibig ni Emmanuel bago sumimsim sa kopitang may lamang mamahaling alak matapos matanaw si Carmela. Muli't muli ay hindi niya maiwasang mamangha sa kagandahang taglay nito. Sa totoo lang ay hindi lang ang pisikal na kagandahan ng dalaga ang hinahangaan niya kundi mas higit lalo ang kagandahan ng ugali. Kung gaano kasi kaganda ang panlabas na anyo nito ay ganoon din sa ugali.
Buong buhay niya ay ngayon lang siya nakatagpo ng kagaya ng babae dahil karamihan sa mga nakasasalamuha niyang maganda, well, para sa kanya ay ubod ng sungit at 'yong iba naman ay masyadong mataas ang ere. Katunayan nga ay si Carmela ang babaeng pinapangarap niyang maging asawa ang kaso'y kapatid na lalaki lang ang turing nito sa kanya.
Nagkakilala sila ni Carmela noong college days nila. Naging m
