Dumagundong sa pandinig ni Carmela ang dalawang huling salita na sinabi nito.
Asawa ko!
Matalim siyang napasinghap sa panggigilalas. Hindi makaapuhap ng sasabihin at iisipin dala ng pinabatid nito. Muli'y nagbalik sa alaala niya ang tagpo na nasaksihan niya sampung taon na ang nakalilipas. Nananariwa sa bawat himaymay ng isipan niya.
Isang malamig na madaling-araw. Si Jiro at ito. Sa bahagyang dilim ay nahuli niyang naghahalikan.
Kasabay rin niyon ang pagbabalik ng ilan pang mga alaala matapos ang tagpong iyon.
"Papasok ba si Ciarra?"
"Hindi na siguro, puyat 'yon malamang. Silang dalawa ni Jiro, actually. Baka nga magkasama pa rin sila ni Jiro hanggang ngayon dahil sa pananabik. 'Di ba nga sinabi ni Ciarra na magkikita pa raw sila after ng ROTC graduation?"
"Excited na ako sa mga i
