Plano niyang umuwi ng Zambales, isasama niya si Jiro. Gusto niyang ipakilala ito sa mga magulang niya. Panahon naman na siguro upang malaman ng mga ito na may boyfriend siya. At alam niyang magugulat din ang parents niya kapag sinabi niyang nagsimula ang kanilang relasyon ni Jiro ten years ago. At hindi niya rin alam kung ano ang magiging reaksyon ng mga magulang niya sa oras na ipabatid niya ang tungkol sa bagay na iyon. Na naglihim siya ng ganoon kahabang panahon. Na itinago niya ang pagkakaroon ng boyfriend sa edad na seventeen.
Napahinga siya nang malalim.
Hindi naman mahigpit ang mga magulang niya sa kanya noong teenager siya—lalo na ang kanyang ama kahit abugado ito. Lagi nga rin siyang pinariringgan ng mama niya na kung may boyfriend na siya ay ipakilala na niya at hindi naman daw
