Nag-aalinlangan si Carmela kung sasakay ba siya sa bus. Nakatindig lang siya roon sa ibaba ng pinto at dama niya ang pamamasa at bahagyang panginginig ng kamay. Tulala lang siya at malalim ang tinatakbo ng isipan. Hindi na rin niya namamalayan ang maraming reklamo nang ilang pasaherong sasakay rin dahil nakaharang siya roon. Ang iba nga ay binabangga na siya pero hindi pa rin siya natitinag. Nahahati ang puso't isipan niya sa pagpapasya.
Gusto niyang umalis at tuluyang magpunta ng Maynila o mananatili siya sa mismong bayan niya. Gusto niyang mag-Maynila dahil nandoon ang kursong talagang gusto niya. Dahil doon sa magulong siyudad niya matutupad ang kanyang pangarap. Natatandaan pa niya ang naging pag-uusap niya at ng mga magulang kahapon at kagabi.
"Anak, wala ka bang balak mag-enrol?" T
