صف البنزين

الفصل السادس

قال لي تنوير؟ تنوير كويسة بتسلم عليك

قلت ليهو لي ما جبتوها معاكم.. قال لي المرة الجاية ان شاء الله

قلت ليهو ان شاء الله

ابتسم ودور عربيتو بعد شغل اغنية لمحمد فؤاد انا لو حبيبك ما كنتش يوم تسيبني اذاي بتقول نصيبك وهان عليك تبيعني..

حرفياً كانت الأغنية دي مكتوبة لي بتحكي قصتي باختصار شديد وما حسيت بروحي الا واناَ بتن*د ودموعي عشرة عشرة طوالي قفل الأغنية وقال لي انا أسف.. قلت ليهو ما مشكلة ماف حاجة.. زينة عاينت لي وعاينت لابوها وكانت عايزه تبكي فقال لي عشان زينة بطلي بكاء لانو انتو الاتنين شفع ولو قعدتو تبكو لي ما حاعرف اسكتكم كيف

قمت ضحكت وهو ضحك وزينة ضحكت قام واصل : حيرتيني والله

قلت ليهو كيف.. قال لي انتي وقت تضحكي حلوة.. ووقت تبكي بتبقي احلى بس بكاك بقطع قلبي فانا محتار.

ضحكني طبعاً في غضون خمسة دقايق قد يمتص غضبي بطريقه حلوة شديد.. سكتنا شويه وقال لي

شوفي يا جوري عادي ممكن نتحمل الألم ساعات او حتى ايام وشهور وسنوات لكن ما لازم نسمح بانو اليأس يتسلل لينا ولو لثانية ما تيأسي ابداً ، احياناً آخر مفتاح من مجموعة مفاتيح هو المفتاح المناسب واظن تكوني فهمتي قصدي كويس

. لازم تتمسكي بلأمل زي الرضيع المتمسك بي امو

. استعيني بي ربنا دايماً وما تيأسي . لا يأس مع الحياة، و لا حياة مع اليأس. ولو كان امس ضاع، فاليوم بين يد*ك ولو كان اليوم رحل وهو متاسف عن المكوس فانتي عندك بكرة لا تحزن على اامس لانو من ربنا خلق الدنيا دي ما شفنا امس رجع

هنا قمت ضحكته وهو زاتو ضكك وزينة ما فاهمة شي لكن ضحكت

قال لي انا ي جوري انسان متفائل لدرجة انتظر وقف وتأمل انا بنظر للحياة كما ينبغي أن تكون حياة سعيدة خاليه من التعقيدات.. لكن اي زول متشائم بشوف الحياة شومة وتعيسة وكده حياتو حتتصعب عليهو انو يعيشها بالطريقه الصاح

الزول المتشائم بشوف النور قدام عيونو لكن بكضب نفسو بي انو ده ما نور شفتي كيف؟؟ ،

فانتي يا جوري لو نا لقيتي زول يزرع ليك السعادة في قلبك اوعك تسمحي لزول يغرس ليك الالم والوجع والدموع

قلت ليهو فعلاً معاك حق.. وانا بتمنى اتخلى عن ضعفي ده العالم موحش جداً والبقاء دايماً بكون للاقوى

قال لي انا عايزك كده تكوني قويه وشخصيتك قويه كده ماف زول حيقدر يأزيك. لازم تكوني واثقه بنفسك وبقراراتك..

واصلنا مشوارنا ولفينا القضارف كلها وكنا مبسسسوطين بالذات زينة طول الطريق شغاله توصف وبتحاول تتكلم لكن ما قادرة منظرها بقطع القلب لكن برضو في نفس الوقت كانت بتفرح البني آدم .

ما حسيت بيها إلا وهي نايمه في حضني شاهين عاين لينا وقال : ما شفتي منظركم حلو كيف ! يفتح النفس والله

ابتسمت و قلت ليهو بالنسبة لي زينة

قال لي زينة مالا

حتفضل كده يعني؟ ما فكرت انك تعالجها؟

قال لي لالا اكيد انا ساعي في الموضوع ده.. لكن بما انها فقدت الحاسه دي نتيجة صدمة فنحن عايزنها تتعالج من الصدمة اول وقتها احتمال 90٪ تستعيد النطق بدون الحوجة لتدخل جراحي.. اما اذا اتجاوزت الصدمة وما استعادت النطق حيضطرو يعملو ليها عملية بس تكبر شوية قلت ليهو كلامك صح والله.. هي انصدمت كيف ما فاهمة الحتة دي..

ملامح وشو اتغيرت فطوالي قلت ليهو بلاها ما اقلب عليك المواجع ساي

قال لي دخل عليهم حرامي انا كنت مسافر.. هددهم بالسكين ووقت زوجتي ما انصاعت ليهو طعنها قدام البت بدون اي رحمة وكان عايز يطعن زينة برضو لكن الشرطة وصلت.

لاحول ولا قوة الا بالله العلي العظيم… ان شاء الله قبضتوهو بس؟ قال لي انقبض واتحاكم بس لسه ما نفذو حكم الإعدام… قلت ليهو ربنا يرحمها ويغفر لها ويسكنها فسيح جناته..

قال لي امين يارب العالمين..

فعلا زينة ليها حق انو تنصدم صدمة زي دي فطفلة في عمرها اكيد حيحصل ليها كده من المنظر البشع الشافتو فكونو يقتلو امك قدامك بطريقة وحشية زي دي انك تفقد النطق ده اقل حاجة ممكن تحصل ليك.. زينة مسكينه بالجد

قال لي فجأة بدون اي سابق إنذار

جوري

قلت ليهم نعم سيد شاهين.

قال لي مش قلنا بلاش من سيد دي ؟ انتي ما اتعودتي علي لسه شكلك كده

قلت ليهو انا بس بقدم الاحترام لحضرتك ما اكتر

قال لي طيب لو انا اتقدمت ليك وطلبتك من خالد اخوك حتوافقي ؟

طبعا اتفاجأت..يعني ما قدرت اتكلم وما كنت عارفه اقول شنو سكت سسسساي وقلبي ده دلوكة بس دق دق دق بدق كانو حيطلع من مكانو وتاني هو كرر لي السؤال.

ما رديت وفجأة دموعي بدو ينزلو اجي يا دموعي البقيتي هملة كن قالو ليك اش تجي نازلة زي مطر القضارف

وقت شافني ببكي قال لي كلمة واحده أسف وتاني ما قال شي لغاية رجعني البيت ونزل شال البت ورقدها ورا نزلت و وقفت قدامو زي الطفله الصغيرة بس اتجاوزني وما قال اي شي وماا عمل اي حاجه غير انو ركب في عربيتو ودورها واتحركو فضلت واقفه وانا ما مستوعبة الحصل اسي ده شنو هل فعلا انور شاهين طلب يدي للزواج؟؟ مسحت دموعي واستعدت حيويتي عشان خالد م يلاحظ لكن بعد ده ملامحي كانت واضحه لدرجه لقيت خالد بحضر في فلم قال لي مالك صاره كده !!

قلت ليهو من جبيل واقفه مع سيد الركشه في صف البنزين.

ضحك وقال لي :انا عملت عدس وجبت عيش لو جوعتي امشي اكلي ابتسمت ليهو وقلت ليهو نعلو عدسك الما بدوب داك عيون عيون

قال اسسس ولا كلمة.. اول امشي شوفي بعدين تعالي احكمي قلت ليهو متغدية والله مع ناس منى لكن كن جعته بعدين بقوم باكل منو وبوريك رأيي.. قال كويس النشوف آخرتها

ابتسمت ليهو َودخلت غرفتي وانا بفكر في الحصل من شاهين وبقيت بسأل في نفسي هل انا عملت الصاح برفضي الصامت ده ولا الغلط !

*

الصباح قلت لي خالد ماشة لناس صبا والمساء برجع معاهم وعلى حظي مع وصولي حيهم شفتها عايزه تركب ركشة طوالي قلت لسيد الركشة بس امشي ورا الركشة الصفرا القدامك دي تابعناها كويس لغاية وصلت بيت كده نزلت منو وكانت بتتلفت زي سواق الركشة ودخلت البيت انا طوالي حاسبت سيد الركشة واتصلت على سهر كان شلت الرقم من صفحتها في الفيس قلت ليها اسي تجي البيت الموضوع مستعجل..

وخمس دقايق جات ركشة تالته ونزلت منها سهر مرعوبة جيت سلمت عليها وحكيت ليها بكل شيء وانا هي طوالي اتوجهنا على البيت.

والله لي آخر لحظةة انا كنت بتمنى انو صبا ما بتكون بتعمل حاجة غلط لاني ما عايزة اخرب بيت اخوي بي يدي سهر فتحت الباب بالمفتاح ومع دخلتنا وشنا في وش صبا تشرب في العصير ساي ومطلعه عبايتها ماخذه راحتها بي كلو لمن شافتني رمت الكباية من يدها وقامت.. راجل سهر واتفاجأ لمن شافنا وما عرف يقول شنو فيبقى يبحلق فينا

سهر قعدت في أقرب كرسي وصبا جاتها : بالجد انتو فاهمين الموضوع ده غلط ماف اي حاجة بيني وبين راجلك صدقيني

سهر ادتها كف وقالت ليها اطلعي من بيتي سريع وسوقي معاك وسخك ده

الراجل قال ليها انتي عارفاني كويس ما بعمل الغلط وانا بعترف انو في علاقة بيني وبين صبا لكن بحلف ليك اني لي الان ما لمستها ومنتظرها تطلق من راجلها عشان اتزوجها انا عاينت لصبا باستنكار وطلعت خليتهم وانا ببكي على اخوي حبيبي ما بستاهل ده يحصل ليهو والله حسبي الله ونعم الوكيل فيك يا صبا

مره اسبوع كامل انا ما قدرت اكلم فيهو خالد وصبا ما رجعت البيت وماف خبر عن شاهين وفي الاسبوع ده يمان مارس علي كل محاولاتو عشان ارجع ليهو

و وافقت

ما تزعلو مني ياخ ! لو اي زول خت نفسو مكاني كان وافق انا كنت تايهةة ومضغوطة والله وفي حالة لا يعلم بيها الا ربنا.. لغاية ما يوم كنت قاعده براي في البيت جرس الباب دقه ووقت فتحت لقيتها صبا… حضنتني وانا دفرتها بعيد قلت ليها عايزه شنو

قال لي خالد ما اتغير مني معناها انتي ما كلمتيهو.. يا جوري خالد بموت فيني لو كلمتي انا متأكدة حتحصل ليهو حاجة.. قلبي عمل شحرلانو كلام صبا صح ميه الميه خالد ولا شي بدون صبا واولادو

قالت لي انا الأسبوع ده فكرت فيهو كويس وبعترف اني زولة طايشة… قامت علي حيلها وجابت مصحف ' والله والله والله انا ما لمسني راجل غير خالد.. وعمر راجل سهر لي شهرين بعرفو وكنا بنتكلم مكالمات بس وبعترف انو مكالماتنا كان فيها تجاوزات.. انا زوله معفنه عارفه والله لكن والله انا اتغيرت يا صبا وحياة اولادي انا اتغيرت فاديني فرصة تانية بترجاك

م عرفت اقول ليها شنو وقعدت اعاين فيها وفي قوة عينها

قالت لي سهر زاتها سامحتني..

قلت ليها الله هو البسامح يا ستي وانا ما بخرب حياة اخوي وتاني انتي وضميرك.. ابتسمت وختت المصحف وقال َت لي تسلمي بالجد وانا اصلا قلت ما حادخل. البيت ده الا بعد انتي تعفي لي

المساء خالد اخوي مشي جابهم ومن وقتها وصبا بتهتم بي اهتمام ما عادي سبحانه مغير الاحوال لكن السؤال البطرح نفسو هل الطبع بغلب التطبع ولا فعلا صبا اتغيرت؟؟ ما معروف

…

يمان اصر علي اني اكلم خالد بخطوتو دي اترددت كتير وقلت ليهو نأجل الموضوع بس هو اصر علي كتير.. وفي الفترة دي يمان كان بهتم بي اهتمام مبالغه فيهو وتقريبا علاقتنا رجعت احسن من اول زاتو وانا كنت في قمة انبساطي حتى اني نسيت شاهين وزينة ومشكلة صبا زاتو وحتى صبا مبسوطة اني نسيت قصتها..

يمان ضغط علي اني اكلم خالد فاضطريت

كلمت خالد اخوي واتفاجأ جداً حتى انو قال لي اكلمو لو مهددني ولا حاجة زي دي فقلت ليهو انا عارفة نفسي بعمل في شنو وانو انا زولة كبيرة وواعية وعارفه مصلحتي وين

من البدايه رفض بس وقت شاف موقفي و أصراري اضطر انو يوافق .

المهم .حددنا اليوم ومن الصباح انا وصبا نضفنا البيت وعملنا خبايزنا. ما كلمنا زول من الاهل تحسباً لاي طارئ بالرغم من كده انا ما مالية يدي بي يمان كتير لكن قلت اشوف الحيحصل شنو

في نفس اليوم الكان جاي فيهو يمان وزي حوالي الساعه 8:34م...جاني اتصال منو قال لي انو حيجي اول براهو وبعد يتأكد من موافقة خالد حيجو أهلو.. صراحة انا ما اتقبلت الكلام ده لكن برضو قلت ما استعجل للشينه

رتبنا البيت انا وصبا وكنا في انتظار آدم (يمان)

جات الساعه 9.

وجات 9:34

وجات 10

وقبل ما تجي 10:34

اتصلت عليهو لانو الانتظار طال وصبا مشت نامت وخالد كمل الفلم حقو كلو ومنظري بقي بيش قدامهم… رن الجرس مسسسافه وماف رد.

وتاني اتصلت فصل فيني الخط استنيتو يرجع لأنو دي عادتو لكن ما رجع لي وبدل كده جاتني رساله من رقمو بتقول :

بتقول : عايني انتي بالجد واحدة ثقيلة وما عندك دم انا لو كنت دايرك بالجد م كنت فسخت خطوبتي منك زمان.. شنو انتي ما بتحسي؟ انا زول خاطب وبحب خطيبتي ولو سمحتي ما اي زول يقول ليك انا حاي اتقدم ليك تصدقي فوقي من اوهامك دي وابعدي من طريقي من فضلك وارجوكي وي ريت تحافظي ع باقي كرامتك ده لو فضلت ليك كرامه أصلآ .

قريت الرساله عشرة مرات وانا مقلعه عيوني م كنت مصدقه الكلام القريتو..وقلت أكيد بكون بهظر معاي يستحيل يمان يقول لي كده اكيد هظار

لأنو فعلآ سمعت جرس الباب.قلت في نفسي يمان ده اصلا ما بتغير وما بخلي هظارو الشين والمسيخ ده

جدعت التلفون وجريت ع الباب وفتحتو وشفت شاهين !!

اجي يا جماعه؟ بحلقت عيوني فيهو وفتحت خشمي من المفاجآة!!

قال لي حتخليني واقف في الباب كده ما حتقولي لي اتفضل؟

قبل ما أرد خالد جا وكان بسألني منو في الباب وقت شاف شاهين سلم عليهو وقال ليهو اتفضل اتفضل

خالد خته انو شاهين بكون من معارف يمان وكده ما أستغرب الزيارة نهائي.. كنت بدعي الله ما يجيب سيرة يمان في الموضوع وفعلا خالد ما خذلني

.

مشيت المطبخ وانا برجف صبا صحت وجات المطبخ وكانت بتعاين لي بي شك بس نهائي ما أديتها فرصه تسألني ده منو وعايز شنو

جبت ليهم العصير وختيتو قدامهم...بعد لحظة صمت اتكلم :طبعآ يا أخ خالد انت ما بتعرفني وانا كمان ما بعرفك

خالد : فعلآ والله..الظروف بتحكم بي كده..انا زاتي ما بعرف لا أهل أمي ولا أهل ابوي انت تبع ياتم ههههه

شاهين ما فهم خالد لكن انا فهمتو عشان كده واصل : عاوز أطلب يد جوري لنفسي وعلي حسب عمري ما عندي ولي غير نفسي وبتي زينة

خالد شهق لمن سمع وقال :شنو !انا اتفاجاته لأنو انا شبه رفضتو وما المفترض يجي يتقدم

.شاهين : علي سنة الله ورسوله وبتمني توافقو.

خالد : والله فاجأتني انا م بعرفك .وم بعرف عرفت اختي كيف !! وحكايه البت م اظن انو جوري تواف.

قاطعتو بكلمه م كنت متوقعاها تطلع من لساني اصلا.. انا موافقه يا خالد..

يعني الفترة الأخيرة دي انا بقيت بعمل حاجات ما بتوقعها العقل زاتو

خالد عاين لي وهو بهز راسو لزوم اوعك تاخدي قرار متسرع تندمي عليهو طول عمرك لكن انا

قلت ليهو انا عمري 21سنه..واكيد عارفه مصلحتي ي خالد.

قلت ليهو بعد شفته نظرة الاستغراب في عيونو : عشان اكون صريحه معاك انا قابلته شاهين في صف البنزين كتر خيرو وصلنا انا ومني صحبتي .

بس ونحن ف الطريق كلموهو انو بتو وقعت من السطوح.وانا مشيت معاو المستشفي عشان اطمن عليها

وياهو اتعلقت بي واتعلقت بيها .

خالد قال لي عاوزك جوه وقال لي شاهين عن ازنك

*

اتناقشنا كتيييييير خالد اتهمني بي اني ما كنت صادقه معاهو وانو انا قررت اوافق على شوكان خالد مصر اني وافقته ع الزواج لانو يمان خذلني مرة تانيه

قلت ليهو انا استخرته في موضوع يمان وربنا ابعدو من طريقي ورسل لي شاهين بدلو عشان كده انا وافقته بدون ما اتردد وواصلته : يا خالد شاهين حيشيلني في عيونو انا متأكده من كده واثقه من اختياري

خالد : انتي جنيتي؟ ما شايفه فارق العمر بيناتكم يا جوري! اسي ده عمرو كم خمسين؟ يعني دبل عمرك وبزيادة زاتو ي جوري

قلت ليهو وهو الصغار عملو شنو!! ولقينا منهم شنو غير الخذلان ! العمر ما مقياس يا خالد

خالد سكت وما عرف يقول َ لي شنو ودي كانت ومضة لانو حيوافق .

قلت ليهو بعدين انت اسأل منو كويس بعدين اديهو رائيك انا ما مستعجلة

قال لي خير ربنا يسهل.

*

بعد شهر من الكلام ده انا كنت ماسكه يد شاهين زوجي وانا لابسه أحلي زفاف وكنت أحلي عروس فيك يا القضارف.

عزمنا الاهل كلهم جزء منهم كان حاسد وجزو متحسر بس انا كنت مبسوطة وما شغاله بزول وما اتذكرت يمان حتى واظن دي أولى علامات ميتة قلبي

سافرنا بورتسودان اسبوع كامل ما مشينا بعيد عشان زينة خليناها مع ناس خالد عشان شويه اتجاوبت مع جود وجمان لكن وعدني نسافر تركيا انا وهو وزينة في القريب العاجل

في غرفتنا بعد صلينا وقرينا ورد من القرآن شاهين قال لي أعفى لي يا جوري

قلت ليهو

-اعفى ليك!!!؟ اعفى ليك شنو يعنى ما فاهماك

طلع القميص اللابسو واتفاجأت بالشفتو

جسمو كان فيهو أثر حريق قديم في منطقة ص*رو اتجاه اليمين وكان باين انو حريق من الدرجة التالته ولو كان الحريق ده ف اتجاه القلب ما كان حيكون عايش

قلت ليهو لا حولا ولا قوة إلا بالله !!

-انا أسف يا جورى مفترض كان اكلمك بموضوع الحريق ده من بدري يمكن يكون عندك مشكلة من التشويه

قلت ليهو لالالا ما كده..انا ما عندي مشكله والله...كل الحكايه انو حريق زي ده كان ممكن يقتلك لو ما ربنا ستر !!

- الحمد لله جات سليمه. والمنظر ده اخف بي مية مره من المنظر الاول قدرت اصل الحاله دي بعد 8عمليات تجميل بس برضو حتفضل ندبة تذكرني بالحادث طول ما انا عايش

كنت عايزة اسالو عن الحريق سببو شنو لكن أتراجعت وقلت براهو حيحكي لي ما اكون شفقانه عشان كده

ابتسمت وقلت ليهو : انا وقت وافقت عليك ما وافقت عشان شكلك..وافقت لأني متأكده انك حتمنحنى السعاده الأنا عايزاها

حضني وباس راسي وقال يخليك لي ربناا

وبعدها حصل الحصل طبعاً

*

قضينا ايام حلوة في بورتسودان وما بين شم دعاش البحر الأحمر والمشي في الكورنيش وسمك السقاله انتهت فترتنا وخلاص حان وقت الرجوع

وقت وصلنا القضارف نزلنا في شقه ولأنو شاهين عندو شغل في الشركه تمينا فيها زي أسبوع كده .

*

نهاية الأسبوع انا كان اشتقت لاهلي فقلت ليهو نمش عليهم

و نجيب زينة معانا.. بالجد كنت مشتاقه ليهم شديد زينة فرحت كتير بشوفنا فقعدنا معاهم لغاية وقت العشاء

اتعشينا معاهم واصلآ زينة وجمان كانو نايمات .

انا شلت شنطة هدومها وشاهين شالها ومشينا بيتنا

استقبلونا عم صالح الجنايني الكان لاقيناهو في المستشفي واستقبلتنا معاو تنوير كمان.البيت كان خرافي والله وكبير فيهو جنينة كبيرة قدامو وظاهر انهم بعتنو بيها كتير عشان كده

ودينا زينة غرفتها وشاهين رجع الشقه يجيب لينا باقي حاجتنا

اما انا اخدت حمام وسرحت شعري ونمت طوالي من الإرهاق والتعب

الصف يلا?

حياتي مع شاهين أكتر من الروعه بمكان وكنت بالجد قمة في الانبساط معيشني زي الملكة وما محوجني لحاجه والله الحمد لله.. خصص لي مصروف شهري اساعد بيهوخالد بس خالد رفض رفضاً باتاً عشان كده فتحت حساب في البنك باسم جود وكل شهر برسل فيهو المصاريف ما معروف الدنيا داسة لينا شنو

مرت الايام و الشهور سافرت فيها الخرطوم عشان اواصل دراستي والله لمن بديت انساها زاتو.. من جيت آخر مره وحياتي اتغيرت رأسا على عقب

وبالرغم من السعاده الأنا فيها الا إنو في حاجتين كانن منغصات علي حياتي اولا موضوع يمان بقى شاغل تفكيري وليي غشاني كده بعد ما سف التراب عشان اوافق بيهو.. يعني هي لعبة انو يهين نفسو عشان يهيني في المقابل؟

تانيا موضوع الحمل من اتزوجت لي حكاية بتاعت شهرين وماف أثر لأي حمل خفت اني اكون فيني مشكلة لانو شاهين انجب قبل كده.. انا كنت عايزة بيبي يقول لي ماما كنت عايزة اجرب احساس الامومة.. ربي ما تحرم بيت من الأطفال

.تميت السمستر بخير وسلامة ورجعنا انا ومنى وكالعاده استقبلتنا السنتافي الحمراء بس المره دي ما راجل غريب مصاص دماء.. المرة دي راجلي هو الاستقبلنا بس المفاجآة انو ما كان سايقها شاهين.

كان سايقها زول تاني

*

طول الطريق كنا ساكتين منى ساكته على غير عادتها وانا ساكته ويمان ساكت ااي كان يمان السايقنا . اتخيلو بس الدنيا ديما عارفه شاهين مالو ما جا لغاية رسل لينا يمان وما لقى الا يمان يرسلو؟ كان لو كلمني حاجي بي ركشة بدل اشوف خلقت المعفن ده

بعد وصلنا منى برضو استمر الصمت لكن انا قلت لازم ابدا انتقم لي نفسي قلت ليهو وانا بعاين في مرايتي : وينو زوجي شاهين؟ غريبه ما قال لي انو ما حيجي يسوقني

قال لي بهدوء : زوجك مفترض يكلمك بي كل صغيرة وكبيرة صاح ولا لا ؟

طبعا اتغظت غيظ في الدنيا دي ! لكن رديت ليهو بثبات: احتمال عاوز يفاجأني بي حاجه ما بعيد و ضحكت ضحكه خفيفه وقلت : اصلآ يومي بفاجأني كلمتو مفاجأااتو دي يوم حتقتلني والله

قال لي وهو مشغول بتلفونو : احتمال مفاجآااتك ياها التقتلك ما مفاجأتو هو

سكت خليتو لأنو لو واصلنا كده قسما حنتضارب وحاخنقو .

فضلنا ساكتين لغاية وصلنا زي حوالي الساعه 5:34م .

نزلت وخليتو ينزل الشنطه مع دخلتي شفت زينة بتقطع في الورود من الجنينه ناديتها وقت عاينت لي جاتني جاااريه شلتها فووق ولفيت بيها وانا وزينه مع لفتنا وقعنا في حضن شاهين. والله منظرنا كان ظريف خالص

قال لي و وشي في وشو : حمد الله على السلامة يا قلبي مشتااااقك!!

ابتسمت وما رديت ليهو ما عارفه ليي وما تسألوني يمكن خجلته لكن

احلي شي انو ما انتظر مني جواب شال زينة نزلها ومسكني من خصري لفاني عليهو وكان بعاين بنظرة كلها حب

يمان : احم احم..

قبلنا اتجاهو ولقيناهو شايل الشنطه. قال وعلى وشو ابتسامه ما فهمتها : قاطعتكم اعفو لي. لكن دي اوديها وين ؟

شاهين فكاني ومشي عليهو اتسالمو بالأحضان وقال ليهو الشنطة خليها تنوير بتوديها تعال اتفضل معانا غدا

يمان قد ما اعتذر بس شاهين أصر ليهو.

المهم..مع دخلتنا شفت العجببببب !

البيت كلو ورد الجوري مبالغه ياخ بس قفلت خشمي والعبرة جات علي شكل دموع ما حسيت بنفسي الا وانا ببكي في حضن شاهين

بالجد يا جماعه ما كان قصدي اغيظ يمان كن انتو لو شفتو الأنا شفتو كان عملتو أكتر من كده قلت ليهو وانا بعاين ليمان : اصلا قلت لي مني انت عامل لي مفاجأة ف البيت وصح توقعاتي

يمان ضحك وقال متأكدة قلتي الكلام ده لي منى. هنا سكتنا م عرفت اقول شنو

شاهين ساقني الغرفه عشان يهديني قال لي : دموعك دي بتعذبني و انتي عارفه كده؟

عاينت ليهو وعيوني كلها دموع واصل : حبيبتي ارجوكي بطلي بكاا..

قلت ليهو وأنا بشهق : المفاجأة حلوة ياخ عشان كده ببكي

قال لي ههههه عيونك الحلوات ياخ!!.باسني في يدي مسسسسافه ورفع راسو عاين لي. قال : أخدي حمام وغيري ملابسك وانزلي نتغدا

قلت ليهو حاضر.

قام علي حيلو وباسني في راسي و مشى على الباب..

قبل ما يطلع قلت ليهو يجيب لي شنطتي معاهو ابتسم لي وطلع

طلعت عبايتي وفكيت شعري فتحت الدولاب وبقيت أقلب فيهو حسيت الباب اتفتح قلت : حبيبي جبت لي الشنطه ؟؟

م سمعت منو جواب تاني قلت ليهو :أخبار خالد وصبا شنو؟والعيال! دي اول مره اجي من الجامعه ما انزل معاهم انت عارف السبب منو.. برضو ماف رد قبل م التفت حسيتو حاضني بورا .

أبتسمت وإتجاوبت معاهو واستلمت لحضنو وانفاسو المتقطعه

فجأة قال لي : إذا ليي اتزوجتيهو يا جووري ! أنا بموت ألف مرة وقت أشوفك في أحضانو !! لييي يا جوري بتعذبيني كده

لييي !