“TAN-TAN, dahan-dahan ka sa pagmamaneho this time! Hindi talaga kita mapapatawad ‘pag napahamak na naman ‘tong kaibigan ko!” banta sa ‘kin ni Andrea pagkatapos niyang pasakayin si Ren sa bago kong kotse. Tumango naman ako at pinaandar na ang makina.
Madaling araw pa lang ay lumuwas na kami ng Maynila papunta sa beach house ng pamilya namin. Sinundo namin si Ren mula sa apartment nila ni Andrea. Sa haba ng naging biyahe namin, akala ko’y may makakatulog sa mga kasama ko, lalo na si Ren. Pero sa kanilang tatlo nina Mama at ng kapatid ko, siya ang pinakamukhang excited sa lahat.
Habang sinusulyapan ko siya sa rear view mirror, kitang-kita ko ang curiosity at pagkamangha niya sa mga nadadaanan naming bukid at mapupunong lugar—lalo na nang matanaw na namin ang dagat.
Sinubukan kong panatilih
