"Ang gaganda naman nitong mga tanim niyo 'nay. Ngayon lang ako nakakita ng ganito kalusog na mga Orchids," namamanghang komento ni Lindy sa mga alagang orkidyas ni 'nay Nelia. Ikalawang linggo niya na sa rest house. Umaga na naman at katatapos lamang nilang mag-agahan. Naisipan niyang maglibot libot. Nakita niya si 'nay Nelia sa may likod ng bahay.
May space roon kung saan nakalaan para sa mga tanim nito na nakasilong sa nylon net. Hindi lamang mga orchids kundi iba't-ibang klase ng mga halaman na namumulaklak. May Bougainvillea, Roses, Daisies, Pink Lilies, Chrysanthemum at Plumeria. Iyong iba ay hindi niya na alam kung ano ang mga pangalan basta ang lahat ay pawang makukulay at magaganda sa kanyang paningin. Mukhang alagang alaga sa dilig ni 'nay Nelia.
"Mabuti naman at nagustuhan mo.
