Namulatan ni Lindy ang medyo mainit na pakiramdam nang magising siya kinabukasan. Masakit rin ang kanyang lalamunan, ang ulo at pati na ang halos buo niyang katawan.
Hinawakan niya ang noo. May nakapa siyang malamig na bagay roon. May nakapatong na basang bimpo. Walang duda, may lagnat siya.
Bumukas ang pintuan. Iniluwa si 'nay Nelia na may dalang tray ng pagkain. "Gising ka na pala. Kamusta na ang pakiramdam mo?" Tanong nito at inilapag ang dala sa ibabaw ng bedside table niya. Bago pa man siya nakasagot ay inabot na nito ang noo niya, tinanggal saglit ang bimpo at dinama ng palad ang balat niya. "Nagtuloy tuloy na ang pagbaba ng lagnat mo."
"Ang taas po ba ng lagnat ko kagabi 'nay?"
"Oo. Sa sobrang init mo nga ay muntik ka na naming dalhin sa ospital. Kaso ay nagdalawang isip kami d
