Pagkauwi ng bahay ay dumeretso agad si Lindy sa guest room, nagkulong roon, nagtalukbong ng kumot at nag emote. Kung hindi pa tumawag ang mommy niya sa messenger niya ay hindi niya pa malalaman kung anong oras na. Madilim na ang paligid. Gabi na pala.
"May sakit ka ba?" Nag-aalalang tanong nito sa kanya nang mapuna ang katamlayan niya.
"Wala, Ma. Kagigising ko lang kasi. Nakatulog ako dala ng matinding pagod. Namasyal kasi kami sa mall ng mga apo niyo kanina. Grabe ang kakulitan nila. Hindi kinaya ng powers ko. Kamusta na pala kayo diyan? Ang Big Bites?"
"Mabuti naman. Maayos naman kami. Maayos ang takbo ng store. So far ay wala namang naging problema. Ang Daddy mo nga ang nakatoka ngayon upang tulungan ang ate mo doon. Ipinapakamusta ka nga pala niya sa akin. Ipinapatanong rin niya k
