THIRD POV
Pagsakay ni Ryan sa cab ay napansin niya agad si Maya na nakaupo sa usual na upuan ni Kelai. Inilibot niya ang paningin sa buong cab ngunit ang bakanteng upuan na lang ay ang sa likod at sa tabi ni Maya. Labag man sa loob ay mas pinili na lang niyang tumabi kay Maya.
“Akala ko ay hindi mo na naman ako tatabihan ngayon,” nakangiting sabi sa kaniya ni Maya.
Hindi siya nagsalita at nginitian na lamang niya si Maya. As much as possible ay ayaw niyang magkaroon ng kahit kaunting conversation sa dalaga. Dahil kapag ginawa niya iyon ay aasa lang ang dalaga na may kaunting pag-asa para sa kanilang dalawa.
“So may sakit pala si Kelai, kumusta siya?” pangungulit pa ni Maya.
Lihim siyang napabuntong hininga. Mahaba-haba pa ang biyahe kaya paniguradong kukulitin nang kukulitin siya ni M
