Thylane
“Ito ang tatandaan mo, Thylane. Ama mo ako, alam ko ang mas nakakabuti para sa iyo. Ginagawa lang namin ito dahil nag-aalala kami sa kinabukasan mo sa lalaking iyon. Pinoprotektahan ka lang namin, dahil oras na gawan ka n’yon ng masama, ano ang laban mo? Babae ka, ano ang laban ng katawan mo sa laki ng katawan ng Denson na ‘yon? Tandaan mo na sanay na sanay ang katawan n’yon sa pakikipagbasag-ulo. Madali lang para roon na gawan ka ng kagaguhan dahil masiyado ka pang madaling utuin,” paliwanag ni Daddy.
Napakuyom ako ng kamay, pigil na pigil na humikbi. “Hindi naman siya mapanakit na tao, Dad. Ang totoo ay napakabait niyang lalaki,” pagtatama ko sa sinabi nito.
Bakit ba napaka-sama ng mga sinasabi’t iniisip nila pagdating kay Steve?! Nakaka-frustrate na dahil ayaw nila akong p
