Thylane
Napahagulgol ako habang kinukuha ang mga damit ko na ibinalik na rito mula sa bahay na nirentahan namin noon. Panay ang hikbi ko at punas ng mga mata.
Lahat ng mga damit ko na maaayos ay pinagsasalpak ko sa bag ko.
Nang matapos ay bumaba ako para umalis na. Hindi ko sana papansinin ang pamilya ko kung hindi lamang dumagundong ang boses ni Daddy.
“Ano?! Talagang lalayas ka?!” hindi makapaniwalang tanong nito sa akin at marahas na hinagod ang buhok, tila ba nangungunsumi na sa akin.
Mabilis na lumapit sa akin si Mommy at hinawakan ako sa pisngi. Pilit niya akong pinapaharap sa kaniya ngunit wala akong lakas ng loob upang gawin iyon. Alam kong nasasaktan ko na nang todo ang aking pamilya dahil sa desisyon ko. Inuusig ako ng konsensiya, ngunit masiyadong magulo ang isip ko nga
