ILANG ORAS NA pikot ikot si Samantha sa kanyang higaan pero hindi pa din siya makatulog kahit alam niyang antok na antok na siya dahil gising na gising pa din ang diwa niya. Nang tingnan niya ang kanyang orasan ay halos ala una na ng madaling araw at sa pagkakatanda niya ay alas dyes pa lang ay humiga na siya para matulog.
Hindi niya alam kung alin ba sa mga nangyari ngayong araw ang iniisip niya. Ang narinig niyang boses ng babae na kasama ni Pierre, ang sinabi ni Rebecca na papanakot ni Pierre dito, o ang tungkol sa sinabi nitong kilalanin niya ang mga tao sa paligid niya.
Nakokonsensiya din siya dahil nararamdaman niyang nagsasabi naman si Rebecca ng totoo pero hindi niya matanggap ang sinabi nito tungkol sa pananakot ni Pierre para lang maka alis sila ng hindi siya kasama.
Nararam
