Maagang nagising si Melissa kinabukasan. Nagbabalak s'ya na maunang bumangon sa asawa upang asikasuhin ito. Nais n'ya ipabatid na hindi ito nagkamali sa pagpili sa kanya.
"Nasaan s'ya?" nagtataka na bulong ng dalaga dahil wala ito sa kanyang tabi.
Wala din ito sa kanilang silid. Natingnan na n'ya ang bawat sulok ng kanilang tinutuluyang silid maging sa labas. Kumuha s'ya ng loose na long sleeve shirt upang itapal sa manipis n'yang pantulog. Marahan n'yang binuksan ang pintuan saka tuluyang lumabas.
"Pasado alas singko palang ng umaga kaya pala medyo madilim pa. Ang aga naman ni Manuel bumangon," saad n'ya.
Naglakad-lakad si Melissa habang nagtitingin sa palagid. Nadako s'ya sa isang amusement park na bahagi ng resort. Malapit lang din ito sa kanilang silid. Wala ang kanyang asawa.
"
