AGAD silang pumila nang makarating sila sa cafeteria na siyang katabi lamang ng kanilang dormitory. Hindi pa ganoon karami ang estudyanteng nandoon dahil kakasimual pa lamang ng kanilang dinner. Marahil ang iba ay kumain sa labas o umuwi.
"Sa lahat ba naman ng taong susundan natin ng pila 'yang bruhang pa 'yan," bulong ni Jianne kay Eloise nang mapagtanto niyang si Briahlee pala ang nasa harapan ni Eloise.
Agad na napalingon si Eloise kay Jianne dahil nagtataka siya kung anong ibig sabihan ng kaibigan. "What do you mean?" magkasalubong ang kilay nito habang nakaharap sa kaibigan.
"Tignan mo 'yang nasa harapan mo," tugon ni Jianne sabag nguso sa likuran ni Eloise.
Dahan-dahang lumingon si Eloise sa kanyang harapan at bahagyang nagulat dahil hindi niya inasahan na magkasunod pala sila s
