Dali-daling nagbihis ng kanyang uniporme si Voltaire at agad na lumabas sa kanyang silid. Tinahak niya ang daan papunta sa secret passage kung saan dadalhin siya nito malapit sa girl's dormitory.
Masyadong maaga pa kaya walang nakakasalubong na estudyante si Voltaire sa daan habang naglalakad siya. Agad na nanunuot ang malamig na simoy ng hangin sa kanyang balat kaya halos mapayakap na siya sa sarili. Sumasabay sa hangin ang naglalakihang mga puno na tila sumasayaw ito sa labis na galak.
Agad naman nahagip ng paningin ni Voltaire ang kaunting siwang sa maliit na labasan ng malaking tarangkahan ng girl's dormitory. Mabilis ang bawat hakbang niya habang napapatingin da kanyang relo. Nakakatiyak siya na sa ganitong oras ay pababa na ang dalaga upang kumain ng almusal.
Nakalagay ang isa
