ANG nangyari kay Eloise ay agad na nalaman ni Voltaire dahil kay Arkie. Ngunit hindi siya kaagad nakaalis dahil may kailangan pa siyang asikasuhin bago lumipad pabalik ng bansa. Nang matapos ang lahat ng kailangan niyang gawin ay walang pagdadalawang-isip na umuwi si Voltaire sa Pilipinas.
Labis ang galit na siyang nanalaytay sa kanyang buong pagkatao habang pauli-ulit na sumasagi sa kanyang isipan kung ano ang ginawa ni Livia kay Eloise. Napapayukom siya ng kamao niya at tila hindi ito makapaghintay na maglanding ang eroplanong sinasakyan niya sa bansang sinilangan.
Kinuha niya ang kanyang cellphone sa bulsa at muling binasa ang email na ipinadala ni Arkie no’ng isang araw. Galit siya sa sarili niya dahil wala siya sa tabi ng dalaga nang mangyari iyon. At mas lalong nagalit siya dahil
