Paano kung hindi nawala ang dinadala kong anak noon? Mangyayari kaya ang lahat ng ito ngayon? Mabubuo kaya ang pamilya namin ni Hereneyo kung naisilang ko ang anak namin? Naiisip niya kaya ang mga ito habang siya ay nag-aaral? Kamusta na kaya siya? Siguro ay mas matikas na ang aking nobyo, o mas matalino na. Paano kung may iba na siya roon? Bakit umaasa parin ako hanggang ngayon? Bakit hindi ko magawang kalimutan si Hereneyo?
Napakahirap kapag nasa malayo ang minamahal, higit na mas mahirap kapag wala kayong kumunikasyon sa isa't isa. Daig ko pa ang manghuhula, na pilit sinisilip ang aking hinaharap. Kung sa hinaharap ay pagtagpuing muli, ako na siguro ang pinakamasayang babae sa aming sitio. Lalo na kung ayain niya akong muli na kami ay magsama, tiyak na walang pag-iisip akong sasang-ayo
