Marso 31, 1899
Sa aking talaarawan,
Magandang gabi sa iyo, kaibigan kong kuwaderno.
Napakaraming nangyari ngayong araw, at napakarami ko ring naramdaman. Halo-halo ang aking naging emosyon kanina at laking pasalamat ko sa aking kaibigan na si Kristina, at ganoon din kay Hereneyo.
Sa umaga ay maaga akong nagising tulad ng dati, ngunit dahil iyon sa hapdi ng aking mga hita na pinalo kahapon ni Itay. Iyon ang dahilan kung bakit mas gusto ko pang mapalo ni Inay kaysa kay Itay.
Kapag si inay kasi pumapalo sa akin ay hindi gaanong mahapdi dahil sa puwet naman ang latay niyon, habang kay itay ay sa hita at mas mahapdi.
Pagkagising ko ay agad na akong naghanda ng makakain namin para sa agahan. Mahapdi man ang aking mga hita, ay wala akong ibang pagpipilian kung hindi ang gumawa ng gawaing ba
