Abril 28, 1899
Sa aking talaarawan,
Si inay na mismo ang nag-udyok sa akin upang ako ay maglako ngayong araw. Sa mga nagdaang -araw daw kasi ay naging tutok ako sa paghahabi ng banig at hindi na lumalabas ng bahay.
Ayaw ko sana ngunit mas minabuti ko ng maglako na lang din para makatulong sa gastusin sa bahay.
Kamote ang aking inilako at habang naglalakad ay ipinagdarasal kong walang Hereneyo na nakatingin sa akin mula sa malayo, lalong hindi lumapit sa akin para ako ay kausapin.
May kulang sa akin totoo, nasasaktan rin ako, ngunit hindi ba mas tama iyong piliin ang kapayapaan kaysa sa pansariling kagustuhan?
Oo, iniiwasan ko na si Hereneyo. Kung noong mga nakaraan ay dahil lamang iyon sa banta ni Isidro, ngayon ay para na iyon sa katahimikan.
Naalala ko iyong pagdalaw sa akin ni Kr
