مهوس بكى

الجزء الثالث

الجزء الثالث

فى منزل مالك

حمل مالك صقر ووضعه على الفراش وقال بتنهيده: 

يا ترى مالك يا صاحبى

قالها وذهب إلى دورة المياه ويتوضئ ليصلى الفجر

فى قصر صقر

إنتظرت مى صقر كثيرآ لكن لم يآتى سمعت صوت عمها وهو يقول ببرود: 

روحى نامى يا مى صقر مش جاى النهاردة

مى بإستغراب: 

ليه هو راح فين

محمد بجدية: 

هينام عند صاحبه تصبحى على خير

مى بتنهيده: 

وأنت من أهل الجنه يا عمو

قالتها وذهبت إلى غرفتها لتنام

فى منزل أروى

إستيقظ الجميع لصلاة الفجر قالت أروى لوالدتها: 

هى منى فين ياماما

والدتها بإبتسامه: 

جت من المستشفى وراحت تنام

أروى بجدية: 

طب أنا هروح أصحيها علشان نصلي الفجر مع بعض

أومئت والدتها بإبتسامه هادئه

دخلت أروى غرفة شقيقتها الكبرى منى وقالت بهدوء وهى تحاول إيقاظها: 

منى حبيبتى قومى صلاة الفجر هتروح منك

منى وهى تقف: 

ماشى يا حبيبتى روحى إنتى وأنا هتوضى وأجى علشان نصلي

أومئت أروى رأسها بإبتسامه هادئه وخرجت لتنتظر شقيقتها

بعد قليل خرجت منى وقالت بإبتسامه: 

نبدأ الصلاة

أومئ الجميع وبدءوا بالصلاة بعد أن إنتهوا قالت منى بجدية: 

هروح أغير هدومى و أروح المستشفى عندى عمليات كتير النهاردة

أروى بإبتسامه: 

ربنا معاكى يا حبيبتى

وقالت والدتها: 

خدى بالك من نفسك

أومئت منى رأسها بإبتسامه هادئه وذهبت لتبديل ملابسها

(منى فتاه جميله للغاية عمرها 28 عام متوسطه الطول وتكون شقيقه أروى الكبيره وتعمل دكتورة و محجبه ومتدينه)

فى الصباح

فى منزل مالك

إستيقظ صقر بتعب ووضع يده على عيونه بسبب الضوء فتح عيناه ببطء ونظر للغرفة بإستغراب بعدها تذكر ما حدث معه سمع صوت مالك وهو يقول: 

صباح الخير

قالها وهو يمد يده بكوب من القهوة أخذها منه صقر ببرود ولم يتحدث قال مالك بهدوء: 

إيه اللى حصل معاك خلاك تشرب بالطريقة دى

لم يجيب عليه صقر وظل يحتسى كوب القوه تن*د مالك وقال: 

يبقى مى

نظر له صقر ببرود وقال: 

أيوا بس هى مغلطتش كانت غلطتي أنا إتعصبت عليها

قالها ثم وقف وقال بجديه: 

أنا همشى عندى شغل

أومئ مالك رأسه بهدوء ثم قال: 

ربنا معاك يا صاحبى

عندما ذهب قال مالك بتنهيده: 

ربنا يصبرك يا صاحبى

فى منزل شهد

كانت شهد نائمة فى ثبات عميق لكن سمعت صوت والدتها وهى تقول ببرود: 

قومى وقوليلى إيه اللى هببتيه إمبارح دا

شهد بنعاس: 

بعدين يا ماما سيبينى أنام

أمسكت والدتها كوب الماء ألقتها بوجهها قامت شهد مفزوعه وقالت: 

إلحقونى بغرق

كانت والدتها ستضحك عليها لكن أمسكتها ثم نظرت ل شهد ببرود وقالت وهى تجلس: 

قولى خبطى الراجل ليه يا بنت المفتريه

شهد بجديه: 

هو اللى رمى نفسه قدام عربيتى ياماما والله حتى إسألى أروى و مى

قالت جملتها الأخيرة ببراءه نظرت لها والدتها بشك ثم قالت بجديه وهى تقف: 

مفيش عربيات تانى والرخصه بتاعتك هتتسحب وكمان الفلوس هيتسحب منك الفيزا وهتأخدى مصروف زى زمان

قالتها وذهبت نظرت بأثرها شهد بصدمه فى قصر صقر

عاد صقر ووجد الجميع يتناولون الطعام فقال بهدوء

صباح الخير

رد الجميع التحيه وقالت ميرفت بهدوء: 

أقعد إفطر يا بنى

صقر ببرود: 

مش جعان عن إذنكم عندى شغل

قالها وذهب ببرود ولم ينظر ل مى قالت مى وهى تلوى فمها: 

شوفتى ياماما

قالت والدتها بإبتسامه: 

شوفت يا حبيبتى لما يجى إعتذرى منه

نظرت لها بغيظ ولم تتحدث قال محمد بجديه ل مى: 

إيه اللى حصل إمبارح معاكم

نظرت له مى بهدوء وسردت له ما حدث

محمد بجديه وهو يقف: 

تمام أنا عندى شغل يلا السلام عليكم

كان سيذهب بسرعه قالت ميرفت بجديه: 

أنا هنزل السوق محتاجه شوية حجات

نظر لها محمد وقال بهدوء: 

خدى بالك من نفسك

أومئت ميرفت رأسها بهدوء وقالت بجديه: 

متقلقش

أومئ محمد رأسه بإبتسامه وذهب قالت مى لوالدتها بإستغراب: 

هو أنتوا مخبين عنى حاجه

ميرفت بجديه: 

لا يلا يا بنات جهزوا نفسكم

قالت رهف بإبتسامه: 

أنا همشى يا ماما

قالتها ثم قبلت جبين والدتها وبعدها خد شقيقتها مى وذهبت بسرعه نظرت مى لوالدتها بشك ثم قالت بإبتسامه وهى تقبل جبين والدتها: 

مع السلامه ياماما

والدتها بإبتسامه: 

ربنا معاكى

ذهبت مى ل شهد وأروى للذهاب للجامعه فى الجامعه

وصل الفتيات إلى الجامعه وذهبوا إلى المحاضرة وبعد قليل دخل مالك وقال بهدوء: 

السلام عليكم

رد الجميع التحية قال مالك بجديه: 

أنا هد*كم المحاضرات الجايه بدل دكتور أحمد لانه مريض نبدأ

أومئ الجميع رأسهم بجديه: فبدء مالك يعطيهم المحاضرة

بعد ساعه إنتهى من الشرح وقال بهدوء: 

أشوفكم بكرة يا شباب واللى محتاج أى حاجه يقول

قالها وذهب نظرت مى بأثرة وقالت بإستغراب: 

هو مش دا مالك صاحب صقر إبن عمى

شهد بإبتسامه كبيرة: 

أيوا هو

قالت أروى بهدوء: 

أنا مفهمتش آخر جزء قاله

مى بجديه: 

طب روحى إسأليه وهو هيشرحه ليكى تانى

أروى: 

وإفرضى إنى رحت سألته ورد عليا وحش لا مش هروح

شهد بجديه: 

تعالى معايا يا أختى وأنا هقوله أنا مش عارفه هتعملوا إيه من غيرى والله

قالت جملتها الأخيرة بمزاح فضحك الفتيات وقالت مى بهدوء: 

خلينا نروح معاكى

أومئت أروى رأسها بإبتسامه هادئه وذهبت معهم

بعد قليل وصلوا إلى مكتب مالك قالت شهد بجديه: 

السلام عليكم

نظر لهم مالك بهدوء وقال: 

وعليكم السلام إتفضلوا

قالها وهو يشير على الكراسي عندما جلسوا قال مالك بجديه: 

فى أى مشكله حصلت معاكم

نظرت كلا من مى وشهد إلى أروى فقالت أروى بإرتباك: 

فى الحقيقه مفهمتش آخر جزء شرحته لإن الصوت كان عالى

مالك بإبتسامه هادئه: 

تمام هشرحه ليكى تانى

قالها وبدء بالشرح بعد قليل إنتهى من الشرح وقال بجديه: 

فهمتى

أومئت أروى رأسها بإبتسامه هادئه وقالت: 

شكرآ لحضرتك

مالك بهدوء: 

العفو لو إحتاجتوا حاجه قولولى

أومئ الفتيات رأسهم بهدوء وذهبوا

فى المول التجارى

إشترت ميرفت قليل من الملابس وكانت ستخرج من المحل لكن سمعت صوت يقول بخبث: 

كيفك يا بت عمى

نظرت له ميرفت بخوف وقالت بعدم تصديق: 

بدران

نظرت له بخوف وركضت بسرعه إلى السيارة وقالت للسائق: 

روح على الشركة بسرعه

أومئ السائق وقاد سيارته بإتجاه الشركه قال بدران بخبث 

والله ولقيتك يا بت عمى

فى الشركة

وصلت ميرفت وذهبت بسرعه إلى مكتب محمد وهى تبكى سمعت السكرتيرة تقول بغضب لها: 

إنتى إزاى تدخلى بالطريقة دى

نظر محمد للسكرتيرة ببرود وقال: 

إنتى مرفودة

نظرت له السكرتيرة بصدمه قال محمد بغضب: 

إطلعى براا

ذهبت السكرتيرة بسرعه نظر محمد إلى ميرفت وجدها تبكى فقال بجديه وهو يقترب منها: 

إنتى كويسه

نفت ميرفت رأسها وقالت وهى تبكى: 

شفت بدران إبن عمى النهاردة لأزم آخد ولادى وأسافر هيلاقونى وهيآخدوا ولادى منى

أجلسها محمد على الأريكة وقال بهدوء وهو يعطيها كآس من الماء: 

إهدى وكل حاجه هتتحل

آخذت منه ميرفت كآس الماء وهى ترتعش ثم قالت برجاء: 

كلم صقر خليه يرجع الولاد البيت أحنا مش هنقعد هنا هنسافر

نظر لها محمد قليلا وأمسك هاتفه وقال بجديه إلى صقر: 

روح هات مى ورهف ورجعهم البيت

صقر بإستغراب: 

فى إيه يا بابا

محمد بجديه وهو يقف: 

هتعرف لما تيجى أهم حاجه البنات كمان نص ساعه عاوزهم فى البيت

قالها وأغلق الخط وأمسك آيد ميرفت التى ما زالت تبكى وقال بجديه: 

خلينا نرجع

أومئت ميرفت ومسحت دموعها وذهبت معه إلى القصر أما صقر فقال ببرود بصوت منخفض: 

يا ترى فى إيه

قالها وذهب ليجلب الفتيات