Habang isa-isa kong inaalis ang mga damit na ako lang din ang nag-empake ay siya namang pagpasok ni Milly sa kwarto. Hindi ko tuloy maiwasang hindi matawa. Paano ba naman kasi ay parang tanga kaming dalawa. E kami ang nag-ayos ng mga ito at isa-isang isinilid sa aking mga bag, pero kita mo ngayon, wala pang bente-kwatro oras ang nakalipas ay kami lang din naman pala ang magtatanggal.
Siyempre ay hindi mawawala ang mga chismis ni Milly na napagpatagal sa aming gawain. Wala namang ibang topic kung hindi ako at ang pagbabalik ko. At siyempre, ang hindi pwedeng mawala, ang kaniyang pinakamamahal na si Sir Archie na paksa ng aming kwentuhan.
“Sinundo niya lang ako, Milly. Iyon nga lang ang nangyari...” Iyon ang paulit-ulit kong sinasabi sa kaniya dahil paul
