"MOMMY..."
Napatigil si Catherine sa ginagawa nang marinig niya ang boses ng anak. At nang lingunin niya ito ay nakita niyang naglalakad ito palapit sa kanya. Pansin nga niya ang pagkusot nito sa mga mata, mukhang antok pa.
Hindi niya ito ginising kanina nang magising siya. Ibinukas na lang niya ang pinto para kapag narinig niya ang pagtawag nito sa kanya o hindi kaya ay marinig niya ang pag-iyak nito kapag hindi siya nakita paggising nito.
Pero mukhang hindi ito umiyak o hindi nito tinawag ang pangalan niya nang magising ito ay bumaba ito ng kama at lumabas ito ng kwarto para hanapin siya.
Binalingan naman ni Catherine si Mae na nasa tabi niya, tinutulungan siya nito sa paghahanda sa almusal nila.
"Mae, ikaw muna ang bahala sa niluluto ko," wika niya dito. Patapos na din naman ka
