"PAPA, bigay po ako ng toys ni Lolo at Lola."
Naramdaman ni Catherine ang paghigpit ng pagkakayakap sa kanya ni Calvin nang makita nito ang paglapit ni Tyler kay Travis, naramdaman nga din niya ang pagsubsob ng mukha nito sa leeg niya.
Niyakap nga din niya ng mahigpit ang anak. "Tingnan mo po, Papa. May car po sila bigay," dagdag pa na wika ni Tyler nang tuluyan itong makalapit.
Isang buntong-hininga lang naman ang isinagot ni Travis sa tanong na iyon ng anak.
"What are you doing here, Lianne?" mayamaya ay tanong ni Tita Grace kay Lianne sa seryosong boses.
Kung kanina ay matalim ang ekspresyon nito habang nakatingin sa kanya ay ngayon naman ay nagbago na. At doon niya na-realize ang totoong ugali ng pinsan. Lianne is far from kind. She only pretends to be, especially when she’s
