PINUPUNASAN ni Catherine ang basang buhok ng lumabas siya ng banyo. Katatapos lang niyang maligo ng sandaling iyon. Humakbang naman siya palapit sa kama. Umupo siya sa gilid niyon habang patuloy siya sa pagpunas sa basang buhok. At nang matapos ay inilagay niya sa laundry basket ang ginamit na tuwalya at saka siya ulit bumalik sa kama.
Sumandal siya sa headboard ng kama bago niya kinuha ang cellphone sa ibabaw ng bedside table niya.
Binuksan niya ang browser at nag-search siya tungkol sa pagbubuntis. Iyon lagi ang kinakaabalahan ni Catherine kapag nagkukulong siya sa kwartong tinutuluyan kapag nasa mansion siya ni Travis. Wala naman kasi siyang gagawin doon.
Gusto ni Catherine na lumawak ang kaalaman niya tungkol sa pagbubuntis para naman maalagaan niyang mabuti ang magiging anak.
