Chapter 31
Nakatingin si Sayah sa kaniyang palad habang naglalakad sila papunta sa nayon ng estavez. Kasama niya si Fenris katulad ng napag-usapan. Bago nila nilisan kanina ang vantress ay binasbasan sila ni Kizo upang maging matagumpay ang kanilang misyon.
“May ano sa kamay mo?” tanong ni Fenris sa kaniya.
Naibaba niya ang kaniyang kanan na kamay nang marinig ang boses nito. Tumingin siya kay Fenris at umiling.
“Wala naman.” Sabi niya rito.
Nang ibalik niya ang mga mata sa kanilang nilalakaran ay naikuyom niya ang kanan na kamay. Nagulat siya sa paglitaw ng pulang nilalang sa kaniyang palad. Akala niya ay nananaginip pa siya nang mga oras na iyon.
“Isa akong wynx,” sabi ng maliit na nilalang sa kaniya.
“I-Ibig sabihin ay kaya hindi ka nagpapakita ay ayaw mo na makita ka ng mga kas
