Chapter 10
Kabado akong nagpaalam sa landlady. Napaigik ako nang bigla akong hinaklit ni Raevan sa siko pagkalagpas ko pa lang sa gate. Hinablot niya pa sa akin ang cinnamon rolls na bitbit ko at tinapon lang sa kung saan.
“M-Masakit,” wika ko sabay hawak sa kamay niyang mahigpit na nakahawak sa braso at siko ko.
Tinignan ko siya at ngayon ay nagbabaga na ang mga mata niyang nakatitig sa’kin. Kung kanina ay walang emosyon ang mga mata niya, ngayong ay ibang-iba na nang mahawakan niya ako. Ibang-iba ito kaysa noong isang araw sa kwarto niya. Mas galit siya ngayon.
“What are you doing up there?” Halos hindi kumibot ang labi niya habang tinatanong ako. Sa boses niya ay para bang pinagbibintangan akong may ginawang masama.
“R-Raevan, nasasaktan ako,” nahihirapan kong saad habang pilit hin
