NAGTAMA ang mga mata nila. Sa pandinig ni Lenlen, unti-unting nag-fade ang Last Christmas. Ang sariling heartbeat na lang ang naririnig niya.
"Merry Christmas, Len," mababang sabi ni Sir JC, inilapat ang pinto at ini-lock. Humakbang palapit sa kanya.
"M-Merry Christmas, Sir..." halos hindi na niya narinig ang sarili. "A-Akala ko sa...sa twenty-six pa kayo uuwi ni JD?"
"And I thought wala ka rin dito," balik naman nito.
"Nagbago'ng isip ko, Sir..."
"Kukunin ko lang ang laptop," sabi naman nito. "Aalis rin agad ako."
"Ah..." sabi niyang tumango. "Pasko, Sir, work pa rin?"
Hindi na ito nag-react, tiningnan lang siya. "Nag-noche Buena ka?"
"Oo naman, Sir. Ako pa ba? Tuloy pa rin ang Pasko kahit hashtag alone—" hindi na niya naituloy ang sinasabi nang pagdating sa harap niya ay kinabig
