Kinakabahan akong tumayo at tiningnan kung nagising ba ang mga kapatid ko dahil sa kalabog. Hindi naman sila nagising kaya napahinga ako nang maluwag.
Tinago ko muna itong pera sa damitan ko at kumuha ako ng kutsilyo sa kusina habang kinakabahan. Malakas ang pagkabog ng puso ko dahil sa kaba.
Dahan-dahan akong lumapit sa pinto habang napapalunok. Idinikit ko muna ang tainga ko sa pinto at pinakinggan ang tunog sa labas.
Wala naman akong ibang naririnig kaya mas lalo akong kinabahan. Bubuksan ko ba ang pinto o hindi? Kapag binuksan ko ito ay baka may nagtatago lang pala sa gilid at naghihintay sa'kin at baka sunggaban ako pagkabukas ko ng pinto.
Hindi ko alam kung sino o ano ang kumalabog kaya hindi ko alam kung ano ang kakaharapin ko pagkabukas ko ng pinto. Napagpasyahan kong hindi na
