Chapter 52
“K-Kasimiro?”
Hindi makapaniwala si Evan sa kaniyang nakikita. Nasa harapan niya ang kaniyang kapatid na higit limang taon nang patay. Lumapit siya dito at iniangat niya ang kaniyang isang kamay. Hinawakan niya sa pisngi si Kasimiro.
T-Totoo. Hindi ito panaginip, nasa harapan ko siya.
Umiwas ng tingin sa kaniya si Kasimiro at pagkatapos ay napansin niya ang lungkot sa mukha nito.
“Evan, kilala mo siya?” tanong ni Floryne sa kaniya.
Hindi siya maaaring magkamali. Si Kasimiro ang nasa harapan niya. Isa pa, tinawag siya nito sa pangalan niya kanina. Kilala siya nito. Pero ano ang nangyari? Kung buhay si Kasimiro ay bakit hindi ito nagtangka na bumalik sa kanila?
Tumango siya sa tanong ni Floryne, “Kapatid ko siya.”
Nanlaki ang mga mata ni Floryne at muling natuon ang panin
