PAGLISAN
Para siyang binuhusan ng isang timbang tubig na may yelo nang hindi makakilos ang buong katawan. Bahagya pa niyang ipiniling ang mukha at ibinukas-sara ang mga talukap ng mga mata baka kako namamalikmata lamang siya, ngunit hindi. Kitang-kita niya sa kanyang harapan, sa mismong higaan ng kuwartong kinapapalooban, ang hubo’t hubad na si Silver na natatakpan lamang ng manipis na kumot ang pang-ibabang parte ng katawan, katabi ang hubo’t hubad rin na si Fatima na nakayakap pa sa lalaki, kapwa himbing sa pagkakatulog. Namilog ang kanyang mga mata. Agad niyang naramdaman ang tila pag-akyat ng dugo niya sa ulo at pamumula ng mukha sa naramdamang labis na pagkamuhi sa dalawa. Kasabay ng pagtagis ng bagang ay ang pagkuyom ng mga palad. “Mga hayop kayo! Walang hiya! Taksil!” buong lakas niyang s
- Writer
