PAGPAPAMBUNO
Kitang kita ng kanyang mga mata ang paghila ni Fatima sa kasintahan upang mahalikan ito sa pangalawang pagkakataon ngayong gabi. Sa nasaksihan ay agad tumaas ang dugo at nag-init ang kanyang ulo. Naniningkit na rin ang kanyang mga mata sa nararamdamang galit noong nagsimulang maglakad papunta sa kinatatayuan ng dalawa. Kung kanina ay kaya pa niyang magtimpi, ngayon ay hindi na. Tahimik niyang inilapag ang regalong hawak sa center table sa sala kasunod ang pagkuha sa cake na natagpuan rin doon, kapagkuwan ay binuhat iyon ng isang kamay. Gamit naman ang isa pang kamay ay buong lakas niyang inilayo ang babae sa kasintahan. Nang maipaghiwalay na ang mukha ng mga ito ay buong pwersa na niyang iningudngod ang cake sa mukha ni Fatima, at hindi pa nakuntento ay inihilamos pa iyon dito. “Ang
- Writer
