البارت الثالث

3133 Words

في صباح يوم جديد فردت الشمس اشاعتها في الاسكندرسة عروس البحر المتوسط و في ذلك الوقت كانت الشوارع تعج بالمواطنين كل منهم يذهب الي عمله و هناك من يشتري الفطار له و لعائلته في هذا الحي المتوسط ..... في ذلك الوقت كانت لارا تستيقظ و تفتح عينيها من اجل الذهاب الي عملها .... قامت لارا ب**ل و اتجهت الي المرحاض و قامت بغسل وجهها و عندما نظرت الي نفسها في المراة و دققت في ملامحها شعرت بالإنزعاج كثيرا .... لارا في نفسها : الحمد لله محدش بيختار شكله ربنا لو كان عايز كان ممكن يخليكي اجمل واحدة في الكون بس ده اكيد خير ربنا مش هيستخسر فيا حاجة نفسي فيها ..... خرجت لارا من المرحاض و اتجهت الي غرفتها و هناك عندما فتحت خزانتها لتنتقي ملابسها ظلت صامته قليلا فهي رأت زملائها في العمل يرتدون ثياب جميلة و مناسبة لهم رغم ان ملابسهم لم تكن باهظة الثمن و لكنهم لديهم المقدرة علي تنسيقها بشكل جميل ... ابتسمت لارا برضا : الحمدلله على كل حال غيري مش لاقي و بيلبس شحاته و هدوم قديمه انما الهدوم دي بابا اللي اشتراهم ليا ... نظرت لارا الي ملابسها لتختار منهم ماذا سترتدي اليوم و كانت لا تمتلك سوي اربعة اطقم ... اختارت منهم لارا طقم و ارتدته و قامت بلف حجابها و عندما كانت ستهم بالخروج و فتح باب الغرفة وقعت عينيها علي احمر الشفاه الخاص بها ... اقتربت منه لارا لتضع منه بتردد و توتر و بالفعل وضعت لارا القليل منه .... لارا : هو مال شكله وحش كده ليه ...ما البنات بيحطوا و بيبقوا قمرات .... خرجت لارا بخجل من والديها بسبب احمر الشفاه الذي تضعه ... لارا : صباح الخير يا ماما صباح الخير يا ماما .... الاب : صباح النور يا حبيبتي ... الام : صباح النور علي البنور ايه القمر ده ايوة كده بقي فكيها شوية .... جلست لارا بخجل بسبب كلمات والدتها و بدات تناول الطعام ... الاب : كلي كويس ياله عشان تبقي مركزة في شغلك .... الام : انا عملتلك سندوتشات عشان تاكلي هناك في الشغل يا روحي ... لارا : ايوة يا ماما انا امبارح جوعت اوي و روحت اشتريت شيبسي بس برضه فضلت جعانه .... الام : لا شيبسي ايه و كلام فاضي ايه السندوتشات اهي كلي و اشبعي لازمه لقمه تقعد في بطنك ... لارا : حاضر يا ماما ..... تناولت لارا طعامها ثم قبلت والديها و رحلت .... الام : ربنا يستر طريقك يا بنتي و افرح بيكي قريب و اشوفك عروسة ... الاب : يا رب يا فوزية عشان تفضيلي بقي .... الام بضحك : هههههههههه جري يا راجل هو انا يعني كنت انشغلت عنك ..... علي العموم بس نجوز لارا و انت هتشوف مين فوزية يا حج هههههه الاب : هتكوني مين يعني ما انتي كده كده روحي و قلبي و عشرة عمري و ام بنتي ...ربنا يباركلي فيكي يا ام لارا ... الام : يباركلي فيك يا حج ...... ~~~~~~~~~~~~ عند سيف استيقظ علي اكثر صوت يكره في حياته صوت والده ..... الاب بغضب : انت هتنام للضهر قوم ياله وراك شغل اخلص ياله ... سيف بضيق : حاضر يا بابا قايم اهو .... خليل : انا واقف اهو مستني اما اشوف البيه هيقوم امتي ... اخلص يا ابني انا مش فاضيلك ... دخلت عليهم الام : في ايه خليل ايه الصوت العالي ده ما تسيب الولد ينام و بعدين انت اللي دخلك هنا اصلا انت عمرك ما تدخل هنا الا عشان تزعق و بس عمري ما شوفتك بتعمل حاجة تانية ..... خليل : دا علي اساس انك بتعملي ايه دلوقتي يا هانم ...مش دا زعيق برضه .... سيف بغضب : يا ريت تكملوا الخناقة بره عشان عايز اجهز و انت يا بابا اتفضل انت روح المدرسة و انا هحصلك .... تهاني : ابقي خود عربيتي يا روحي عشان متتعبش و انت رايح .... نظر خليل الي زوجته بغضب شديد و اخذ سيارته و رحل ..... قام سيف و اتجه الي المرحاض ليستعد ليوم عمل جديد .... ارتدي سيف ملابسه و اختار زي انيق و وضع عطره الجذاب و ذهب الي والدته ليأخذ منها مفاتيح سيارتها ... الام : سيف خد بالك علي نفسك و أفطر في الشغل و اوعي تسمح لحد من الموظفين الجرابيع دول يتعالي عليك انت صاحب الشغل .... سيف بضيق : خلاص يا ماما لو سمحتي خليني امشي ..... الام : خلاص يا حبيبي اتفضل المفاتيح .... اخذ سيف المفاتيح من والدته و رحل .... ~~~~~~~~~~~~ عند هايدي كانت مازالت مستيقظة و كانت النيران تشتعل في قلبها من اجل سيف .... فهو منذ فترة و لا يهتم بها حتي لا يدق لها هي دائما من تدق له هايدي لنفسها : اكيد في حاجة غلط انا متأكدة ...اكيد في بنت تانية في حياته و هي اللي سرقاه مني و خلته ميتكلمش معايا ....اووووف انا لازم اتصرف احسن الموضوع يطلع بجد..... دخلت والده هايدي عليها و هي تضع المانيكير .... الام : ايه يا روحي انتي لسا منمتيش .... هايدي : انام ازاي بس يا مامي .... انا مش عارفة سيف متغير معايا بقاله فترة ليه انا تعبت بجد و خايفة احسن تكون في بنت تانية في حياته و انا معرفش .... الام : تبقي ع**طة لو فرصة زي سيف دا ضاعت من ايدك تبقي اغ*ي بنت علي وجه الارض .... هايدي : يا مامي دا مش معبرني خالص حتي اتصلت امبارح عشان اطمن عليه معبرنيش و تقريبا قفل في وشي ..... الام : لأنك دالقة نفسك عليه و ده مش صح ... انتي لازم تعملي لنفسك قيمه كمان يعني نش كل شوية تتصلي و مفيهاش حاجة لو قربتي منه شوية بس لازم تبعدي في اخر لحظة بعد ما يكون خلاص هيتجنن عليكي ..... و انا هشوف لو كان يعرف بنت تانية و لا لأ و لو كان يعرف فعلا انا هتصرف ...متخافيش ..... هايدي بغل و غضب : دا لو كان فعلا يعرف واحدة غيري انا ممكن اكولها بسناني ..... الام : لا يا روحي متحطيش الحاجات دي في دماغك انتي بس اهتمي بنفسك و بجمالك و سبيلي انا الحاجات الصغيرة دي ....و لو طلع فعلا في بنت انا هتصرف معاها ..... ~~~~~~~~~~~~~~~ في المدرسة كان قد وصل جميع العاملين بها من مدرسين و اداريين و عاملين النظافة ..... و بعد حوالي نصف ساعة وصل الطلبة و ذهبوا الي فصولهم .... كانت لارا مع مها في غرفة المدرسين يشربون الشاي و يتحدثون اثناء عملهم ..... مها : يا بنتي لازم الدروس الخصوصية ....دا شئ اساس في حياه اي طالب و اساسا احنا مستحملين الشغل هنا عشانهم .... لارا : بس انا بابا مستحيل يوافق إذا كان وافق علي الشغل هنا بالعافية ....عمره ما هيوافق اني اروح لحد بيته و افضل الف طول النهار من مكان لمكان .... مها : شوفي يا لارا احنا هنا كلنا موافقين بالشغل بالمرتبات القليلة دي لان المدرسة بتجيب لينا دروس بمعني ان لما ولي امر بيكون عايز مدرس خصوصي بيروح للإدارة و الادارة بتديله اسم مدرس الفصل بتاع ابنه و رقمه و هو بقي بيتفق معاكي علي المبلغ اللي تحبيه ...... لارا : ياااااه معقول الموضوع كده بس كده صاحب المدرسة مستفيد ايه ؟ مها : مستفيد انه بيدفعلنا ملاليم اخر الشهر يعني الموضوع جاي عليه بم**ب فهمتي بقي ..... لارا و قد بدا الامل بتغلل داخل قلبها بأن تتحسن ظروفهم قليلا لارا : يعني انا ممكن في ولي امر يطلبني ؟!!!!؟ مها : دا اكيد بس برضه دا بيرجع لشغلك يعني افرضي ابنه مش بيحبك او مش بيفهم منك .... لارا : انا نفسي اوي يا مها بس هقول ايه لبابا .... مها : لا حاولي اقنعية لان هيجيلك دروس و حرام تضيعي فرصة زي دي من ايدك دا غيرك بيتمني اي درس بس ..... لارا : ماشي ربنا يستر بقي انا قايمه عشان عندي حصة ... سلام اتجهت لارا الي فصلها و بدأت الشرح لتلاميذها الذين يحبونها بسبب لطفها و بساطتها ..... ~~~~~~~~~~~~~ عند عمر صديق سيف كان نائم و لكنه استيقظ علي صوت رنين هاتفه ...... عمر بنوم : الو..... سيف : معلش يا عم عمر صحيتك ..... عمر بضحك : هههههه ابوك نافخك و مصحيك بدري صح ؟ سيف : هو نافخني بس دا هو و امي مزهقني في عيشتي انا النهارده صاحي و هما بيتخانقوا فوق دماغي .... عمر : اكيد المدرسة عندك فيها حته طرية كدا مزة كده مش معقول ناشفة خالص يعني .... سيف : مش حكاية ناشفة بس كلهم بنات ناس كده و محترمين ....يعني غالبا مش هلاقي واحدة تيجي معايا سكه فملهاش لازمه الفضايح ..... عمر : طب جرب بس مش هتخسر حاجة بس نقي واحدة فرس كده مفيهاش غلطة حتي عشان لو فضحتك تبقي اتفضحت علي حاجة تستاهل ههههههه سيف : تصدق اني استاهل عشان بكلم عيل زبالة زيك ...امشي يالا ... اغلق سيف الهاتف و قام ليتجول بالمدرسة قليلا .... قام سيف و خرج من المكتب الذي يعمل به مع زملائه و في ذلك الوقت كانت هناك إحدي المدرسات علي قدر من الجمال تسير امام سيف فظل يسير خلفها و هو يتأمل النظر الي جسدها و بدون وعي منه وجد نفسه اصطدم بأحد ..... سيف بغضب شديد : مش تفتح ي ...... قطع سيف كلامته عندما رأها امامه ..... سيف بضيق : هو انتي ؟!!!! ابتسمت لارا بود : ايوة انا لارا ازي حضرتك يا استاذ سيف .... سيف بدون نفس : كويس ....هو انتي بتعملي ايه هنا مش المفروض عندك حصة ؟!!!! لارا : ايوة ما انا خلصتها و رايحة اوضة المدرسين عشان ورايا كشوفات لازم اخلصها ..... لمعت في ذهن سيف فكرة ليكي يهرب من عمله .... زين سيف وجهه بإبتسامه مزيفة : طب هو انا لو طلبت منك طلب ....هت**فيني ؟ !!!! لارا : اكيد لا ....اتفضل .... سيف : انا بصراحة عندي شغل و ملفات و حاجات كده و عندي مشوار ضروري يعني لو ممكن تخلصيلي الشغل ده ...يبقي تمام اوي .... لارا بتردد : ططب ماشي ....مفيش مشكلة .... ذهب سيف و احضر لها الملفات و أعطاها ايها .... سيف : اتفضلي مش كتير اوي يعني انتي قدها و شكلك تحبي الشغل ... اتسعت اعين لارا بشدة : كل دول امال انت قاعد بتعمل ايه طول النهار .... احم علي العموم هاتهم تمام ... اعطاها سيف الملفات ثم ذهبت بهم الي غرفة المدرسين لتعمل بهم ثم تنهي عملها ... ~~~~~~~~~~~~~ عند والده سيف كانت تمارس الرياضة الخاصة بها امام المسبح في حين وجدت الخادمه تهرع اليها و خبرها ان مدام نانسي والده هايدي بالخارج و تريد مقابلتها ..... تهاني : و سيباها واقفة لوحدها يا غ*ية انتي دخليها بسرعة و اسأليها تشرب ايه علي ما اغير هدومي ....روحي ياله انتي لسه واقفة ..... صعدت تهاني لتبدل ملابسها و ارتدت ملابس باهظة الثمن و بسيطة و انيقة في نفس الوقت .... عند نانسي كانت قد احضرت لها الخادمه بعض العصير لتتناوله .... هبطت تهاني الدرج بكامل اناقتها و تقدمت من نانسي و قبلتها و رحبت بها ..... تهاني : ازيك يا قلبي وحشاني بجد ايه كل ده كده متسأليش عليا .... نانسي : غصب عني و الله مشغولة في البيت بس ابقي اسألي انتي .... تهاني : و الله يا روحي مش بفضي خااااالص سيف و خليل واخدين كل وقتي بجد .... نانسي : ربنا معاكي يا قلبي الله يكون في عونك انا عندي هايدي بس واخدة كل وقتي .... تهاني : ايوة ربنا معاكي ....و ازي هايدي دلوقتي اخبارها او بتعمل ايه ؟ وضعت نانسي كوب العصير امامها و بدأت تتحدث بجدية : هو ده الموضوع اللي انا جاية اكلمك فيه .... عقدت تهاني حاجبيها : موضوع ايه ؟ نانسي : سيف ابنك يا تهاني ...هو و هايدي كانوا اصحاب جدا و هو فضل يقرب منها لحد ما اتعلقت بيه و دلوقتي بيبعد عنها .... طب كان بيقرب منها ليه اصلا .... تهاني : معلش يعني يا نانسي بس هو مش ذنبه هو موعدهاش بحاجة .... نانسي : لا يا تهاني كان دايما بيحسسها انه بيحبها و كان بيبادلها نفس المشاعر و دلوقتي بعد ما اتأكد انها بتحبه بعد عنها ..... البنت حالتها النفسية وحشة جدا انا مش عارفة اعمل معاها ايه و بجد انا خايفة عليها .... سيف لو مش ناوي يكمل معاها مكنش قرب منها من الاول يا تهاني انا مش مستغنية عن بنتي انا خايفة تعمل في نفسها حاجة .... ثم بدأت نانسي في اصطناع البكاء ..... تهاني بضيق بسبب تصرفات ابنها : اهدي بس اهدي يا روحي ... اهدي انا هتكلم مع سيف في الموضوع ده ... نانسي بلهفة و قد ارتسمت ابتسامه واسعة علي وجهها و كأنها لم تكن تبكي منذ قليل ..... نانسي : خلاص يا روحي انا هعتمد عليكي في الموضوع ده .... بس يا ريت بسرعة لان بجد هايدي حالتها النفسية سيئة جدا ..... بعد اذنك بقي انا لازم امشي لاني سيباها لوحدها .... تهاني : طب استني اتغدي معانا .... نانسي : لا يا روحي ميرسي مرة تانية بقي .... تركتها نانسي و رحلت و هي تشعر بإنتصار لأنها حققت ما تريد ..... ~~~~~~~~~~~~~ علي الناحية الاخري عند لارا كانت مازالت تعمل و قد حان وقت الرحيل ..... مها : ايه يا بنتي مش هنروح ؟ لارا : لا روحي انتي انا لسه عندي شغل .... مها : شغل ايه يا بنتي ما انا خلصت اهو و شغلك زي شغلي .... لارا و هي لا تريد اخبارها بما دار بينها و بين سيف : روحي انتي بس انا شوية و خلص .... مها بإستسلام : خلاص علي راحتك ثم القت لها قبلة في الهواء و رحلت ... ظلت لارا تعمل في عمل سيف حتي انهته و بدأت في عملها .... كانت الساعة قد تخطت السادسة مساءً و اصبحت المدرسة فارغة و لا يوجد بها سوي لارا .... و بعد فترة نفخت لارا براحة انها اخيرا انهت هذا العمل الشاق ..... قامت لارا لتذهب و لكنها عندما خرجت وجدت ان المدرسة فارغة بشدة فشعرت بالرعب و هرعت الي الخارج حتي وجد رجل الامن و لكن شخص اخر غير الذي يكون موجود في الصباح فشعرت بالاطمئنان قليلا ...... القت عليه لارا السلام و رحلت و بعدها بدقائق خرج محمد هو الاخر من المدرسة فهو كان ينهي عمله هو الاخر .... القي محمد السلام علي رجل الامن رحل و عندها ابتسم رجل الامن ابتسامه قذرة و كأنه ربط الاحداث ببعضها ..... رجل الامن : طب دا في حاجات حلوة بقي بتحصل جوة من ورانا ..... علي الناحية الاخري كانت لارا تسير في ذلك المكان الفارغ فهذه المنطقة جديدة و عندما يحل المساء تصبح فارغة جدا ..... لارا بخوف : هو مفيش مواصلات و لا ايه ....يا رب اعمل ايه انا دلوقتي ... ظلت لارا واقفة مكانها علها تجد اي شئ يقلها الي منزلها ..... و فجأة وجدت لارا شابين يبدوا عليهم انهم ليسوا في وعيهم بالمرة يقتربون منها و ينظرون لها بطريقة مرعبة .... كلما اقتربوا منها ابتعدت لارا حتي بدأت بالهروع حتي تهرب منها و لكنها كانوا اسرع منها و حاوطوها ... لارا برعب و هي علي وشك البكاء : ابوس ايد*كم سيبوني امشي ...متأذونيش ..... ابتسم احد الشابين بقذارة : هنأذيكي ايه بس دا احنا هندلعك و هنبسطك علي الاخر يا قمر ..... بكت لارا بشدة : ابوس ايدك سيبني امشي .... و عندما هم احد الشابين بالاقتراب منها وجد من يسدد له لكمه قوية ..... محمد : ابعد عنها ياض ...... قام الشاب الذي لكمه محمد و اقترب من محمد حتي يرد له اللكمه و لكنه سدد له لكمه اخري و و عندما رأي الشاب الذي يمسك بلارا هذا هرع و تركه و عندما لاحظ الشاب الاخر انه بمفرده تركه و هرع دفع محمد و هرب هو الاخر ...... كل هذا و لارا في حالة انهيار تام ..... اقترب منها محمد ليطمئنها : اهدي يا لارا اهدي خلاص انا معاكي ..... لارا ببكاء : ددد ..دول ... كانوا. ...كانوا عاي ...عايزين ..... ثم انهارت في البكاء مرة اخري و لم تستطع ان تنهي كلامها .... محمد : طب حصل خير الحمد لله انتي سليمه و انا لحقتك ..... انتي ايه اللي مأخرك في الشغل لحد حالا .... لارا : ككان ....كان عندي ششغل .... محمد : بعد كده متتأخرش عشان اي سبب و لو في شغل مهم كلمي بباكي او اخوكي يجوا ياخدوكي .... هزت لارا رأسها بمعني نعم ثم اخذها محمد و اوصلها الي باب منزلها ..... محمد : اظن خلاص انتي وصلتي بيتك اهو اهدي بقي ..... لارا بخجل : متشكرة اوي يا محمد و اسفة تعبتك معايا اوي ..... محمد بإبتسامه ودية : لا لا تعب و لا حاجة يا ست لارا هههههه اتفضلي بقي اطلعي عشان اطمن عليكي .... ابتسمت له لارا ثم صعدت الي منزلها ...... ظل محمد مكانه الي ان اطمئن عليها انها صعدت الي منزلها ثم رحل ...... عندما فتحت لارا باب المنزل هرع اليها والديها بلهفة : كنتي فين يا بنتي و مش بتردي علي تليفونك ليه فين احنا كنا هنبلغ البوليس .... لارا و هي تحاول ان تبدوا طبيعبية و متماسكة امامهم : انا تمام يا جماعة الحمد لله بس انا كان عندي شغل كتير النهارده و موبايلي فصل شحن عشان كده معرفتش اطمنكوا عليا ...... الاب : طب الحمد لله انك بخير تعالي ياله عشان تاكلي .... لارا : لا يا بابا ماليش نفس انا بس محتاجة انام. ... الام : مالكيش نفس ازاي بقي لا لازم تاكلي انتي بتشقي طول النهار ..... لارا : لا معلش يا ماما سبيني براحتي ....دخلت لترا الي غرفتها و تركتهم بدون و لا كلمه و بمجرد ان اغلقت الباب عليها ظلت تبكي بشدة و انهارت في البكاء .... لارا : طب لو كان محمد اتأخر انا كان هيحصل فيا ايه ... و ظلت لارا علي هذا الحال الي ان ذهبت في سباق عميق ...... ~~~~~~~~~~~~ علي الناحية الاخري عند سيف كان في احد البارات مع اصدقائه ..... عمر : و ابوك سابك كده النهارده .... سيف : لا انا ربنا وقعني في عيلة هبلة كده اديتها شغلي تعمله ..... عمر بذهول : و رضيت .... سيف بسخرية و ثقة : يا ابني دي كانت هتموت من الفرحة اني كلمتها اصلا ....انت بتقول ايه ههههههه عمر : يعني مظبط معاها ؟ سيف : لا مش للدرجة دي ...مش علي اخر الزمن هظبط مع واحدة الشغالة اللي عندنا احلي منها ...انا طلبت منها تعملي شغلي و هي وافقت بس هو ده الموضوع .... عمر : ما هي موافقتش لله و للوطن كده اكيد في حاجة او انها بترسم عليك مثلا ؟ سيف : دا اكيد ..... يا ابني انا لا اقاوم و حتي هي لو فيه في دماغها اي حاجة هي المسؤولة عن نفسها انا موعدتش حد بحاجة ..... و فجأة وجد صوت من خلفه : و انا كمان موعدتنيش بحاجة ..... نفخ سيف بضيق : هايدي ؟!!!!!... هايدي : ايوة هايدي اللي انت مش معبرها و سايبها عمالة تلف وراك من مكان لمكان يا سيف انت فين كل ده و كل ما اكلمك متعبرنيش .... عمر : طب اخلع انا بقي .... امسك سيف يده : تخلع فين يا شبح انت لا استني هنا .... سيف : بقولك ايه يا هايدي انا مبحبش وجع الدماغ و روحت فين و جيت منين انا حر ولو مش عاجبك اتفضلي انا مش بتاع الكلام الفاضي ده ...و شوفيلك واحد تاني مشي كلامك عليه براحتك ..... هايدي بغل و غضب يشتعل بداخلها : ماشي يا سيف براحتك ثم تركته مع صديقة يحتسي المشروب و رحلت ..... ~~~~~~~~~ في منزل هايدي كانت ت**ر غرفتها بأكملها بسبب الغضب دخلت عليها والدتها : انتي هتفضلي هبلة كده لحد امتي ....اللي انتي بتعمليه دا و لا ليه اي لازمه .... هايدي بضيق و عصبية : امال اعمل ايه بس يا ماااااماااااا...... الام : اقعدي كده و اهدي يا روح قلب ماما و انا هقولك تعملي ايه بس تنفذيه بالحرف .....

Free reading for new users

Scan code to download app

App Store Google Play

Facebookexpand_more