NAKALULUNGKOT ISIPIN na ang kinilalang prinsesa ng lahat ay inuna pang masiyahan at masabik sa tronong iiwanan ng kaniyang ama, kaysa malungkot at mag-alala sa kalagayan ng haring may karamdaman. Ano’ng sakit sa puso ng isang magulang na nagmahal at nagbigay sa lahat ng pangangailangan na sa huling sandali ng kaniyang buhay ay mana ang siyang kasasabikan.
Hindi magkamayaw sa tuwa si Oruza. Nang dahil sa kalagayan ni Haring Rufus ay batid niyang hindi maglalaon ay ipapasa na sa kaniya ang korona at siya na ang magiging reyna ng buong Safferia. Maging sa kaniyang pagtulog sa bawat gabi ay iyon ang laman ng kaniyang isip. Hanggang panaginip ay nagpaplano na siya ng kaniyang mga gagawin oras na siya na ang nakaupo sa kapangyarihan.
“H’wag kang mag-alala, Mayang. Malapit ka nang gumaling,” wi
