PINAGTITINGINAN ANG ENGKANTADONG ilang araw nang namamataang naglalakad-lakad sa pamayanan ng Safferia. Hindi nila nakikilala ang mukhang iyon kaya’t napapaisip sila kung sino siya. Lalo pa’t ang ilang nakatatanda ay binabati niya na para bang kilalang-kilala niya ang mga ito. Subalit dahil likas silang mabubuti at kabutihan naman ang ipinakikita ng engkantado, hindi siya naging banta sa kanila. Nakipagpalagayan siya ng loob sa ilan at nakipagpalitan ng kuro-kuro.
“Hindi ba kayo nag-aalala? Kung totoong may karamdaman ang hari, tiyak na ang kaniyang tagapagmana ang papalit sa kaniya,” pabulong na wika ng isang engkantadang nakatatanda sa nagtitipon-tipong mga magsasaka.
Maliban sa malawak na gulayang kinaroroonan nila, ang estrangerong engkantado man ay saksi sa kanilang mga saloobing hi
