TAHIMIK ANG BUONG PALASYO. Abala man ang lahat para sa paghahanda sa gaganaping pagtitipon, nakabibingi naman ang katahimikan. Lahat nakikiramdam at naguguluhan. Pasan nila ang isang malaking agam-agam.
Ano ang sasapitin ng Safferia? Sino ang susunod na puputungan ng korona? Si Oruza ba na puno ng poot at selos ang puso?
Maagang lumisan sa palasyo si Haring Rufus kasama si Ruru. Walang nakababatid kung saan siya patutungo maliban sa mga malalapit sa kaniya na pinagkakatiwalaan niya ng kaniyang mga lihim. Samantala, humalili sa kaniya ang mga kaibigang sina Agor at Vidal sa palasyo para sa kanilang mga misyon at pagtulong na rin sa paghahanda sa piging.
Umaalingawngaw sa pasilyo ang mga hakbang ni Oruza. Sa kaniyang mukha ay nakaguhit ang ngiti ng pagkasabik sa kaniyang kaibigan. Nang ma
