KINABUKASAN ay nagpaalam na kay Sassa si Pilita. Pilit niya itong inihahatid sa sakayan ng bus ngunit ayaw nitong pumayag. Hinayaan na lamang niya ito. Tiwala siya na wala itong gagawing hindi maganda. Uuwi na marahil ito sa Sta. Catalina upang makasama ang anak nito.
Sinubukan niyang huwag mag-isip masyado tungkol sa kuya niya. Bahala ito sa buhay nito. Bahala na itong lutasin ang gulong pinasukan nito. Basta hindi niya ito kakampihan sa maling ginagawa nito. Naroon na siya, tumibok ang puso nito at umibig nang lubos. Naiintindihan niya dahil nagmamahal din siya. Ngunit kahit paano paikot-ikutin ang mundo, may asawa’t anak na ito. Sa mata ng Diyos at sa mata ng tao, mali pa rin iyon. Hindi dapat dinudungisan ang pag-ibig. Hindi excuse ang pag-ibig sa imoralidad.
Itinuon niya ang kanyang
