“AM I FORGIVEN?”
Iningusan ni Sassa si Phillip bago niya ibinalik ang kanyang tingin sa naggagandahang orkidyas sa malawak na hardin ng ina nito. Ayon dito ay alaga ng ina nito ang mga orkidyas.
“Ano pa nga ba? `Pasalamat ka, masyadong mabait ang mommy mo,” sabi niya.
Niyakap siya nito mula sa likuran at hinagkan ang kanyang pisngi. “Really?”
“Basta hindi mo na uulitin, ha? Huwag ka nang maglilihim sa `kin. Sasabihin mo na sa `kin ang lahat.”
“I promise.”
Hindi niya napigilan ang mapabuntong-hininga.
“What was that for?” nagtatakang tanong nito.
“Hindi ko lang maiwasang isipin, ang laki-laki ng agwat nating dalawa. Para ka nang totoong prinsipe. Hindi na ikaw `yong inakala kong lalaki. Naiiba ka na talaga sa lahat pero parang mas lumawak ang agwat mo nang malaman ko ang tungkol
