“MOMMY, calm down,” pag-aalo ni Phillip sa kanyang ina na kanina pa umiiyak sa dibdib niya. “Everything will be all right,” aniya kahit na hindi talaga niya alam kung ano ang daratnan nila sa isang malayong provincial hospital.
Ilang oras na silang bumibiyahe at ayaw tumahan ng kanyang ina. Naiintindihan naman niya ito. She was a mother. Lahat naman siguro ng ina ay magiging ganoon kapag nalamang naglayas ang bunso at nag-iisang anak nitong babae. Lahat siguro ng ina ay lubos na mag-aalala kapag nalaman nitong nasa ospital ang anak nito pagkatapos maglayas.
Nang maglayas si Glanys ay talagang natuliro at labis na nag-alala ang buong pamilya niya. Tumulong ang halos lahat ng pinsan niya sa paghahanap dito. Hindi sila nakatulog sa sobrang pag-aalala. Sinisisi niya ang kanyang sarili.
Mata
