HINILA si Sassa ni Benito patungo sa front door. Paglabas nila ng villa ay nasilaw siya sa ilaw na nanggagaling sa isang sasakyan. Kaagad na bumunot ng baril ang mga tauhan ni Benito na walang hawak na bihag.
“Patay,” naiusal ng isang tauhan. “May parating, Boss.”
“Paputukan n’yo!” marahas na utos ni Benito.
Kaagad na tumalima ang mga tauhan. Hindi na niya napigilan ang mapatili nang mabasag ang windshield ng sasakyang palapit. Idinalangin niya na sana ay nakayuko ang sakay niyon kung sino man iyon. Bumuhos na ang malakas na ulan. Dumagundong ang kulog. Nakakatakot ang mga kidlat na gumuguhit sa kalangitan.
“Tara na,” utos uli ni Benito. Hawak nito ang buhok niya at kinaladkad siya nito. Napapitlag siya nang may gumanting putok mula sa sasakyang pinaulanan ng bala ng mga tauhan ni Beni
