TULIRO pa rin si Phillip kahit ilang oras na ang lumipas mula nang makita uli niya si Sassa. Pagkatapos ng pitong taong pangungulila rito, sa wakas ay muli niyang nasilayan ito.
Halos walang nagbago sa pisikal na anyo nito. She was still very lovely.
Kanina, gustong-gusto na niya itong yakapin. Nais niyang siguruhin na nasa harap nga niya ito at hindi lamang produkto ng kanyang imahinasyon.Gusto niya itong hagkan. Gusto niyang punan ang lahat ng taon na nangulila siya rito. Gusto niyang bawiin ang mga taon na wala ito sa tabi niya.
Ngunit hindi nito gusto na mapalapit man lang sa kanya. Galit na galit ito sa kanya, iyon ang nakita niya sa mga mata nito kanina. She didn’t want him near her. It pained him to see anger and hatred in her beautiful eyes. Where did the love go?
Ang higit na
