Na-offend ako. Ni hindi na niya ako kinausap pagkatapos no’n dahil pumunta na siya sa kuwarto. Iniwan niyang hindi pa ubos ang kape na siya ko namang tinikman nang palihim. Mapait? Napapaitan siya sa lagay na ito? Bakit nasabi naman niya kanina na kakaiba raw ang lasa? Bakit nang sabihin kong nagkita kami ni Chino ay saka nagbago ang takbo ng isip niya?
Nang dumating ang gabi, parang tanga kong kinakausap ang sarili ko. Dahil bukod sa hindi pa niya ako pinapansin mula nang tumungo siya sa kuwarto niya, talagang hindi ko pa siya nakitang lumabas. Hinihintay ko na nga lang ang utos niya o request sa kung ano man ang nais niyang kainin ngayong hapunan. Kung ano na lang ang makikita kong sakto sa mga available ingredients, iyon na lang ang lulutuin ko.
Tokwa’t baboy ang pinili kong lutuing u
