Nagising ako limang minuto nang lumipas ang alas kuwatro ng madaling araw. Pahikab akong tumungo sa kusina upang maghanda na ng umagahan. Araw na ng lunes, dahilan kung bakit may pasok na ulit si Sir Arch. Bukas na ang mga ilaw sa ilang mga bahagi ng bahay kaya batid kong gising na rin siya.
Kagabi, ni-request niyang kahit fried na lang `yong maluluto ko ngayong oras. At dahil sinabi niya, wala ako sa posisyon upang kontrahahin iyon. Ni hindi ko na rin kinuwestyon kung bakit. Sunod lamang ako sa agos bilang isang katulong.
Habang naghihiwa ng bangus sa wooden chopper, bawat segundo ay may naririnig akong yapak sa labas. Palakas iyon nang palakas ngunit sa paglipas ng ilang sandali ay pahina na ulit nang pahina. Nang sumilip ako panandalian sa bintana upang alamin kung sino iyon, namataan
