Matagal siyang maligo. Kinailangan ko pa maghintay nang lagpas dalawampung minuto bago siya matapos. Tahimik lang akong naghihintay sa labas at nakatayo sa mismong tapat ng banyo. Tangan ko ang towel na inabot sa akin ni Chino kagabi, pati na rin ang itim na shirt at pants na kinuha ko sa kabinet.
Natauhan na lang ako bigla sa pagkakatulala nang bumukas na ang pintuan. Hindi tamang ideya na rito pa mismo ako naghintay dahil bumulaga ang katawan niyang ginagapangan ngayon ng butil ng tubig!
Sinungaling ako kung sasabihin kong hindi ako namamangha. At lalong tanga kung itatanggi ko ang ganda ng kaniyang pangangatawan. Sa unang tingin, para siyang isang atleta na alagang alaga ang sarili sa tamang pagkain at ehersisyo. Nagkakasakit kaya siya gaya ng iba? Paano niya napananatili ang estado n
