Hindi na ako kailangan pang pagsabihan upang umalis sa sala. Iniwan ko silang tahimik at nagtititigan sa isa’t isa. `Yong Beatrice ay halatang inis na inis base sa ipinapakita. Pilit siyang pinakakalma ni Pauline samantalang si Harry ay hindi makapagsalita.
Nang makapasok ako sa kuwarto, kaagad kong sinara ang pinto. Siniguro kong hindi ko maririnig kung ano ang magiging usapan nila bilang respeto. Saka labas na ako roon. Ano bang pakialam ko sa buhay ni Sir Arch? Narito ako para magtrabaho at hindi makialam.
Tumayo ako sa harap ng bintana at kapwa ipinatong ang mga kamay sa hamba. Tinitigan ko ang malayang pagdapo ng araw sa mga puno at ang paglipad ng mga paroparo sa ibabaw ng matataas na damo. Ang payapa sanang tingnan. Kung ako lang ang nakatira dito ay baka hindi ko mapagsawaan. Ng
